Kada Kalain Jua

KADA KALAIN JUA !!

Karya : Faisal Refki

20/4/2017

BABAK I

Dance  : aduhh,, kayapa nih,, hp ku… tolong…

(mario cs masuk)

Adul    : ayy.. kanapa buhan ikam?

Dance  : ehh buhan ikam kawa kah manolongi kami

Mario   : manolongi napa?

Dance  : tolong ambilkan h ku tacabur di sungai, kami kada wani maambil

Adul    : (menarik Mario dan haidir kesamping) eyy buhannya, aku ada akal, kayapa kita gawi ja buhannya nih

Mario   : ayuha,, kami hakun ai maabilakan tai buhan ikam bajoget hulu, mun kada hakun kada kami tolongi

Dance  : okee..

(anak dance ngedance)

Dance  : nah sudah lo? Lakasi ambilakan

Adul    : okee.. (adul bacabur ka sungai) nah hp ikam..

Dance  : aaaaa… makasih yaa ganteng.. kami pergi dulu yaa.. dahhh…

All       : dahhh….

(dance keluar)

Adul    : asik jua lah malihat binian bajoget hahaa

Mario   : hahaa.. oh hiih sanak, parasaan kita nih matan lagi halus aur batiga tarus lah..

Adul    : hiih, kuitan kita bahari bakawan jua kalu, kita nih mulai matan parut sudah bakawan

Mario   : kada nya pang,, artinya kita nih kadada baisi kawan lagi di kampong nih sanak ai

Adul    : nyata ai, dikampung kita nih pemudanya kita batiga ni pang nah, ya kalo haidir?

Haidir  : hiih, bagus banar lagunya jar ikam tadi tuh (menanyanikan lagu Dia)

Adul    : nah ya am, kada ingat aku si haidir nih talinga saluang jua

Mario   : hahaa,,, inya tuh marasa lah yu kita pandirakan?

Adul    : (manakuni haidir) kayaa haidir, marasa lah ikam?

Haidir  : marasa banar,,, pas banar kana hati sanak ai lagunya tuh, galau boyy..

Mario   : dah gin jangan ditarusakan dul ai,, ni kita nih kasini tadi handak maunjun kalu?

Adul    : hiih lah,, hadang, kita nih maunjun tarus lah gawaian matan lagi halus dah, katiya ada haja tuh iwaknya

Mario   : itu artinya sungai kita nih masih barasih, kada tercemar buy ai…

Adul    : satuju banar aku, jangan sampai kada baiwak lagi, mati pancaharian kita ni ya kalo..

Mario   : iya banar.. lakasi dah kita mancari posisi gasan maunjun, ikam subalah mana dul? Aku di tangah gin lah..

Adul    : aku di subalah kiwa haja gin nah,, baarti ikam disubalah kanan dir lah?

Haidir  : sip,, kaina aku mengungkakan perasaanku lawan inya, gara-gara lagu tadi pang hehh..

M & A : (geleng-geleng kepala)

(Mario Cs maunjun)

Mario   : bahhh,,, luput am lambat manyisit,, ganas banar iwaknya heh

Adul    : nah nah nah,,, kana am nah,,, happp… huhuyy dapat kulacingan,, kawa digaduh sampai jadi haruan,,,

Haidir  : yaaa yaaa yaaaaa,,,, yesss,, dapat capal…

M & A : hahaaa,,,

Mario   : ulah mandai dir ai capal tuh nyaman,, lawasi amamsaknya sakira mamak hhaha

Haidir  : jangann,,, capal nih rancana handak ku ulah mandai,, tapi mamasakinya harus lawas sakira mamak, ya kalo dul?

Adul    : tasarah ikam ja boy ai,,, lanjut lagi kita maunjun..

Mario   : dul, bahurup pang kita, aku kada mau kana disini nah,, ikam kasini pulang bagantian,,

Adul    : ayuha nah,, mun razaki tuh kada kamana pang…

(Mario dan adul bertukar tempat)

Adul    : nah nah ah ahahhh…. Mantap.. dapat papuyu bagincu,,, tinggal dipuruki dastar ja lagi nih bungas am haha

Mario   : busett,, kanapa maka inya dapat pulang, aku maka kadada sing dapatan,,, ku ingari ja gin nah sakira sama kada dapat barataan (mangaduk-aduk sungai pakai pancingan)

Adul    : nahhh kanapa ikam nih io? Pas ingar aku kaya ini nah, heh ai kada baik lalu bakawan,,

Haidir  : huhuuuyyyy,,, mantap.. dapat nasi padang,, tapi takait, hadang lah ku caburi hulu.. (haidir bercebur mengambil nasi padang, lalu naik lagi) nahhh,, bujuran nasi padang kalu, malaran gasan makan,,

Mario   : masyaallah,, maka dapat nasi padang baliau, dasar wali pinanya nah,,

Adul    : sabar io ai, coba lagi pasti dapat tu kaina..

(Mario cs terlihat serius memancing)

Mario   : ayyy napa nih barat banarr,,, eyy buhannya tulungi maangkat,,, (adul membantui mengangkat kecuali haidir)

Adul    : kita caburi haja gin nah,, kada kawa disisit, ganal banar iwaknya

Mario   : ayuha sudah, lakasi dah (Mario dan adul bercebur)

Haidir  : nahh,, kanapa buhannya tuh manangkap nasi padang ja badua, lihatakannya ha situ (haidir tetap asik melanjutkan pancingnya)

(Mario & Adul naik membawa mermaid)

Mario   : dul, mermaid sakalinya dul ai, pantas ai barat banar…

Adul    : ya am, macam-macam ja lah di sungai nih isinya,,

Haidir  : ayyy,, ada putri duyung, dapat dimana buhan ikam?

Mario   : muyak kah,, urang abut tadi handak manangkap inya kada hihiran

Haidir  : uuhh,, pasti dapat disungai tadi kalu, macam-macam ja lah sungai kita nih isinya

Adul    : mauk kah,, ni nah kita apai mermaid nih, handak disiangi katiya ada manusinya, handak di bawa bulik katiya iwak jua,, takuni pang kalu pina kawa bapandir

Mario   : (manakuni mermaid) uyy,, kanapa pian nih maka sampai takasini?

Haidir  : hiih, jaka takuni kanapa inya maka sampai takasini, kalu pina bisa bapandir inya

Adul    : jangan hirani haidir tuh

Mermaid          : aku nih tasasat, imbah syuting di laut sakalinya kana ombak sampai aku larut takasini, untung buhan ikam mandapat akan aku, aku kawa minta tolong lah?

Mario   : minta tolong napa?

Mermaid          : antar aku,,

Adul    : antar bulik kah? Dimana rumahnya?

Mermaid          : kada, antar aku ka warung soto bang amat dibawah jembatan banua anyar, aku lapar..

Mario   : busett,, harat banar tatagihan, harap pada kita pamakan, mun kaya itu kita timbai lagi gin ka sungai, bisa ai inya balarut ka banua anyar sana

Adul    : hiih, lakasi dah angkat.

Haidir  : hadang,, sudah lah ditakuni inya nih rumahnya dimana, nyaman diantar

Mario   : ni pang handak maantar inya bulik nah, lakasi lajui ganii maangkat

(Mario cs mengangkat mermaid lalu melempar kesungai)

Adul    : macam-macam ja lah nang ditamui hari ini,,

Mario   : ya am, aku uyuh kam nah, kada sanggup lagi dah maunjun, ku andak haja gin unjunnya kalu pina ada nang mamatuk

Adul    : bujur jua, istirahat hulu kita ya kalo? (kepada haidir) ey dir, ikam kada uyuh kah?

Haidir  : kada, kada manyangka aku hari ini kita dapat mermaid lah ckckc

Mario   : tadi sudah dibahas !!!

Haidir  : jaka kita istirahat ja nah, biar ja unjun kita tuh baandak ja

A & M : (mengacungkan jempol pertanda sip)

(Mario Cs istirahat)

(gadis masuk dengan gaya diiringi lagu menggoda)

Mario   : busett,, boy boyy,, tuh ada binian batiga, pinanya handak mandi boy ai,, bangun boyy

Adul    : aii hiih,, ssssstt baranaian ja kita, kita intip.

Haidir  : (haidir bangun) eyyy buhannya,,, tuu ada binian handak mandii…

M & A : tahu ai,, baranai,,

(Mario Cs mengintip para gadis)

Azul    : aduhh,, kanapa kita maka madi di sungai rigat kaya ini,, jijik dehh..

Halisa  : azul,,, jangan piragah artis, kita nih urang kampong, makanan mandai wan kangkung, jangan sombong…

Tam     : hiih azul nih kijil banar, paksa ai kita mandi disungai nih, ledeng dirumah mati kada sing banyuan, kanapa kah PDAM nih maka rancak banar mamatii ledeng, padahal jar mamaku rutin haja bayar ledeng ka PDAM tuh.

Azul    : aku lebih baik pakai minyak harum daripada harus mandi disungai euuhh,, kotor.

Halisa  : cakah ikam nih zul ai, kuitan bajual hatap maka harat banar pandiran

Tam     : tasarah ikam haja zul ai, kami handak mandian..

(ketika mau mandi halisa terkejut melihat bahwa sedang di intip oleh Mario Cs)

Halisa  : ayyy… ada nang maiintip kitaa,,,

Tam     : mana… nahhh,, awas lah ku catuk lawan gayung jua ni..

Azul    : untung aku kada mandi, jadi kada diintip deh…

(tamara Cs menghampiri Mario Cs)

Tam     : eyy buhan ikam,, maapa buhan ikam disini?

Mario   : kami lagi maunjun

Tam     : mana unjunnya? Dusta lalu

Mario   : tuh (menunjuk unjun di sungai)

Tam     : bahapal, ngintu lain maunjun ngarannya, itu apa halisa?

Halisa  : M A M B A N J U R

Adul    : tapi manurut kami ngintu M A U N J U N

Azul    : napa nih pina abut banar,,, ngaku ja buhan ikam tuh maintip kami ya kalo, kaya kadada binian lain ja lagi

Mario   : dasar kadada jua ai, buhan ikam batiga ni pang dah biniannya dikampung nih, masa kami maintip kuitan buhan ikam lah.

Tam     : napa nih bawa-bawa kuitan,, awas kam lah ku padahi wan kuitanku

Haidir  : itu tuh M A U N J U N

Halisa  : M A M B A N J U R

(Orang Gila masuk)

Orgil    : woyyy,, napa nin abut banar !! aku taganggu nah imbah bahuma

Mario   : anu paman ai..

Orgil    : anu anu,, kalakuan kada sampuraka buhan ikam nih, bapacaran dipinggir sungai, handak mesum kalu buhan ikam nih? Ngaku !!

Tam     : lain, kami kadada pacaran paman ai..

Orgil    : jangan badusta, mahir badusta kakanakan  nih,, baris !! lakasi !!

(semua berbaris sesuai perintah Orgil, orgil menyiapkan barisan dengan cara yang tak wajar, kemudian meninggalkan mereka semua)

Mario   : ey eyy, urang gilanya bajauh dah

Halisa  : Alhamdulillah..

Adul    : digawi urang gila sakalinya kita hahaa..

Azul    : ayo tamara kita bulikan, aku kulir bakancangan wan buhan kuricik bihi nih.

Tam     : hiih kita bulikan gin dah, (kepada Mario cs) awas buhan kam barataan ku padahi kuitanku

Mario   : padahi ja situ kada takutan wweee…

(tamara Cs keluar)

Haidir  : eyy,, sudah kah nih, boleh babuka mata lah..

Adul    : io, lihatakan ja situ inya, kita tinggalakan ja hahaa

Mario   : ayoo dah,,

(Mario & Adul keluar)

Haidir  : (mambuka mata) nah kanapa kadada an urangnya, bah ditinggalakan buhannya am aku,, eyyy hadangii….

(haidir keluar)

BLACKOUT

BABAK II

Aisyah : ubuy ubuy,,, saban malam pasti dah sabak rumah, napa kah nang digawi abahnya nih samantang ditinggalakan surangan ka pasar, ni mau lah kada aku nang manyimpuni kaina, bahahambur haja gawian,, mana garang urangnya nih? Hadang pang ku hiyau hulu…

Icha     : uuuu abahnya,,, kasini pang satumat, ulun kada sanggup lagi dah kaya ini abahnya ai nah,, uuu abahnyaaaa !!!

(kedua abah masuk)

Fazri    : napang umanya kuciak-kuciak? Mauk banar,, aku ni lagi mauk jua nah,, kanapa garang?

Icha     : kaya ini nah abahnya ai,, ulun tuh hanyar ja dapat laporan matan pambakal, anak kita tu nah baulah gawi pulang jar dikampung, bilang bahalat dua hari pasti ada tu lapuran matan pambakal, sakit kapala abahnya ai nah,,

Aisyah : malihat rumah tahambur tu nah,, baapa garang pian hari ini maka sabak banar rumah kaya ini?

Fazri    : ikam tahu lah umanya, aku tadi saharian mancari kupiah ku hilang kada sing dapatan lagi

Aisyah : dimana garang pian maandak?

Fazri    : amunnya aku tahu dimana maandak kada bataha aku mancari umanya ai,,

Aisyah : kupiahnya kayapa garang?

Fazri    : nang kaya ini pang nah (manampaikan kupiah nang dikapala)

Aisyah : kupiahnya dimana garang pian maandak paampihan tuh?

Fazri    : dikapala ku ni pang nah umanya ai

Aisyah : abahnya, ulun nih uyuh saharian bajualan dipasar, saban hari manyiangi iwak ja gawian, pian handak marasai kah jua disiangi? Tu napa nang dikapala pian tu nah?

Fazri    : (manjapai kakapala) kupiah !

Aisyah : iyalah ngintuh kupiahnya?

Fazri    : iya ai hehe…

Aisyah : dasar jua pian  ih mangalilu.. anu abahnya ai nah, ulun nih handak bakisah..

Fazri    : bakisah napang umanya?

Icha     : kaya ini nah abahnya lah,, ujar pambakal, anak kita tuh kamarian tadi maintipi urang mandi di jamban, lawan kakawanan nya tuh badua, tahulah pian anak siapa nang diitipnya tuh? Anak si aisyah nang bajual iwak di pasar tu nah abahnya ai..

Aldo    : ooo,, terus teruss…

Icha     : dilaporakan anaknya tu ai ka pambakal, kada tarima urang di intip abahnya ai,, kayapa kita nih abahnya?

Aldo    : ooo,, terus teruss…

Aisyah : jadi kaya itu kisahnya abahnya ai,,

Fazri    : macal banar sakalinya anak kita tuh mandi maka di jamban, sampai di intip nang kaya itu,, liwar banar dah tuh umanya ai,, lakasi dah kiyau urangnya umanya ai…

A & I   : nakkk… uuuu naakkkk…

Anak   : puuunnn maaaa…

(kedua anak salah masuk)

Icha     : kaya ini nah nak lah,,, mama hanyar ja dapat laporan bahwa ikam tuh

Aisyah : mandi di jamban lalu diintip lakian,, bujur lah?

Mario   : inggih ma ai,, tapi…

Icha     : jangan baalasan lagi, tuh urangnya malapur wadah pambakal, supan mama ni nah suuupaannn… ya kalo abahnya?

Aldo    : sip sip oke

Aisyah : jadi kami nih handak mamasuk akan ikam ka pesantren, sakira ikam tuh jangan lagi sampai diintip urang mandi,, ya kalo bah?

Fazri    : hiih,, hakun haja kalu ikam nak?

Tam     : indahh maa ai bah ai,, kada rami di pesantern tuh,, kaina ulun kadada kawan ma ai bah ai..

Mario   : inggih ma ai bah ai,, ulun kada handak tapisah wan kawanan ulun,,,

Aldo    : jangan cedihh..

Icha     : mau kada mau nak ai,, ikam harus patuh wan kuitan, ni permintaan kami nak ai gasan ikam.. kami jamin kawan ikam tuh masuk pesantern jua nak ai,,

Tam     : bujuran kah maa? Amun kaya itu ulun tapaksa hakun ai ma ai,,,

Aisyah : ayuha dah nak ai,, isuk kita tulakan ka pesantrennya nak ai, ya kalo bah?

Aldo    : sip sip okee..

Icha     : lajui dah guringan sakira kada malandau isuk…

(pemain keluar)

(BLACKOUT)

  

BABAK III

Haji     : kanalakan, ngaranku nih Haji Iyus, amun bahasa kerennya bisa dikiyau Mr. Iyus, jadi kawa disambat aku nih Misterius hahahaaa… aku nih pamimpin di pesantren kampong Burinik Banyu nih, kada karasaan sudah 80 tahun aku mamimpin pesantren nih, banyak banar nang ditamui disini, mulai santri nang kada karuan tampuh, kuricik bihi, pampan sama sakali, sampai urang biasa nang ku anggap santri haaannn,,, tapi lah ada jua aku manamui santri nang bagus, tapi wayahini lulusan sudah buhannya, ada nang jadi ustad, imam mesjid, guru agama, gubernur, sampai ada nang meajar di pesantren sekolah haaannn aku too… (jeda) oh hiih lah, maka jar hari ini ada nang handak mamasukakan anaknya jadi santri disini, padahal kami balum panarimaan, ayuha kada papa ya kalo mun handak balajar,, haaannn,,, mana lah urangnya nih, janji jam 7, ni parak jam 1 dah ari kada sing datangan lagi…

(orang tua Mario masuk)

Icha     : assalamuallakum…

Haji     : waallaikumsalam,, Alhamdulillah, mudahan iya ini urangnya..

Icha     : maaf ji lah kami talambat, kami kasini tadi bakayuh jukung ji ai makanya lambat..

Haji     : ih ayuha kada papa, ni pian handak masuk pesantren kah bu?

Icha     : lain ulun ji ai, tapi anak ulun, ya kalo abahnya?

Aldo    : sip sip okee..

Haji     : nah iyakah, mana urangnya nang handak masuk nih, sia am tutumat.

Icha     : Mario,, kasini nak baparak, nah ji ni nah anak ulun nang handak kami masukakan ka pesantren nih

Haji     : ohh ini kah, siapa ngaran pian nak?

Mario   : Mario ji ai ngaran ulun

Haji     : bagusnya ngaran lah kaya kimus hehee.. kanapa tadih maka handak dimasukakan kasini?

Icha     : jadi kaya ini nah ji ai kisahnya, anak kami nih macal banar dikampung, ya kalo abahnya

Aldo    : teros teros tersoss..

Icha     : inya nih katuju banar maintip binian mandi di jamban lawan kakawanannya.. urang kampong sarikan wan kami ji ai, ya kalo abahnya?

Aldo    : teros teros teross…

Icha     : supan kami nih ji ai, mudahan ai pas masuk pesantren nih kawa maubah kalakuannya nih, ya kalo abahnya?

Aldo    : sip sip okee

Haji     : ooo kaya itu kah? Biasa ai pang. Ayuha mun kaya itu, mudahan kawa maubah kalakuannya disini, banyak haja sudah bu ai nang kalakuan mambala, pas masuk sini Alhamdulillah baubah bu ai..

Icha     : ayuha ji lah, kami nitip anak kami lah,, bila pina macam-macam hubungi ja kami ji ai,, (kepada Mario) nak,, baik-baik disini nak lah, jangan bakalakuan lagi ikam.

Mario   : inggih ma ai,,,

Icha     : ayuha, kami parmisi ai ji lah, assalamuallaikum..

Haji     : waallaikumussalam…

(ortu Mario keluar)

Haji     : nah nak,, istirahat ja hulu disitu, kalu ai uyuh imbah bakayuh jukung tadi

(Mario duduk kesudut kiri)

(keluarga Aisyah masuk)

Aisyah : assalamaullaikum…

Haji     : waallaikumussalam… (kepada fazri) aii,, fazri…

Fazri    : misterius? Alhamdulillah,, maapa ikam disini? Ampih ai kalu hudah kalakuan katuju maintipi urang mandi?

Haji     : husss,, aku ni pang pamimpin di pesantren nih..

Fazri    : babujur ikam yus? Kada manyangka aku nah,, bahari maka kalakuan alahan pada batman ikam nih,, masyaallah….

Haji     : ujar urang tuh kehidupan manusia tuh ada pasang surutnya, bagai roda yang selalu berputar, bahinu diatas bahinu dibawah hannn aku too.. aii hadang hulu, maapa ikam kasini?

Fazri    : jelasakan umanya..

Aisyah : jadi kaya ini nah ji ai, kami nih handak mamsukakan anak kami nang binian nih, ngarannya Tamara, mudahan ai inya nih kawa baubah kalakuan pas masuk sini

Haji     : macal kanapa garang inya nih?

Fazri    : inya nih katuju banar diintipi lakian pas mandi, liwar macalnya kalu?

Haji     : umayy,, liwar banar tu macalnya,, pas banar tu masuk sini,,

Fazri    : ayuha lah mun kayan itu kami nitip anak kami ai,, kami kada kawa balalawas disini, kaina ditinggalakan si icha bajukung, kami tadi baimbaian kasini.

Haji     : aii iyakah,, raminyaa…

Fazri    : ayuha lah, kami bulikan ai nah yus ai,, assalamuallaikum..

(ortu tamara keluar)

Haji     : nahh,, hadang hulu nak lah, aku mangiyau akan kawan kam nag hanyar masuk jua, (memanggil Mario) mariooo,, kasini hulu nak satumat…

Tam     : (maju kedepan) hah? Itu tuh si Mario nang maintip kami mandi samalam kalo, kanapa maka inya kasini jua, harus hati-hati ni amunnya mandi…

Mario   : inya nih nang kami intip samalam kalo,, asiikk,, pacangan berlanjut ni kisahnya hehee

Haji     : nahh,, tamara, ni ngarannya Mario

Tam     : inggih ulun sudah tahu ji ai,,,

Haji     : oo,, buhan ikam nih sudah lawas kah sakalinya batahuan,, bagus am tu kada ngalih lagi kaina. Hadang lu lah, samalam tuh ada jua santri hanyar nang masuk sini, hadang ku kiyau akan.. naaakkk… kasinian buhan ikam…

(halisa, azul, adul, & haidir masuk)

Tam     : halisa, azul… aaaaa

Mario   : adul, haidir… weeeeyyyy…

Haji     : nahh,, sapakawanan sakalinya buhan ikam nil ah,, ayuha dah mun kaya itu bagus haja,, baranaian ja hulu disini lah bakawanan, aku handak kadalam hulu nah ada nang digawi.. assalamuallaikum..

All       : waallaikumussalam…

(haji keluar)

Tam     : eyy,, buhan ikam kanapa maka kasini jua, nyata dah disariki kuitannya gara-gara maintip kami

Mario   : muha ikam,, buhan ikam pang meapa jua kasini? Baarti macal jua lah buhan ikam nih hahaaa…

(cameramen masuk)

Kam    : okee,, kamera roll,, action !!

(panglima perang masuk)

Pang    : akulah nang bangaran Adipati Abdul Ghani Rodrigoes, terpangkat sebagai kepala pertanda, atawa panglima perang di kerajaan ini hoopp… gagah ka lawan wani, bijaksana laksana macan pagat ikatan hooopp.. naga ulit naga umbang, taguh kulit samai katulang, kur sumangat, baurat kawat, batulang wasi, bapunggung waja hooppp… kulihat musuh sudah mulai baparak handak manyarang. (kepada semua) buhan ikam tanang haja, aku panglima perang siap sedia menjaga wan melindungi buhan ikam barataan….

(meja terbang dari luar panggung kemudian diiringi masuknya Hulk)

(panglima bertarung dengan Hulk dengan cara slow motion, kemudian keluar dan diiringi cameramen)

Halisa  : ayyy,,, napa tadi tu yuuuu?

Adul    : hiih, maka ada hulk di pesantren ni lah..

(haji masuk)

Haji     : Assalamuallaikum…

All       : waallaikumussalam,

Mario   : nah pas banar ada pa haji, pa, tadi ada urang bakalahi pa ai wan manusia hijau

Haji     : astagaa,, sudah mulai kah, bah ya am kada tabuat am aku..

Tam     : kanapa garang pa tadi tuh?

Haji     : itu tuh urang syuting, baulah film marvel nang hanyar, maambil tempat di pesantren kita. Maaf aku kada sawat mahabari buhan ikam

Azul    : iiihh pian  ih.. kami kan jadi panic… kutaannn,,,

Haidir  : Pa haji,, tadi tuh ada urang bakalahi pa haji ai..

Haji     : eeee,, parasaan tadi sudah ku bahas pang lah..

All       : ikam nih saluang… !!

Haji     : aija sudah kada usah mambahas itu kita, buhan ikam sudah batahuan jua kalo?

All       : sudahh…

Haji     : selamat datang di kota santri !!

(lagu Kota Santri)

Haji     : hannn rami kalo? Jadi kaya ini lah,, di pesantren nih lakian wan binian kada bulih bacampur, jadi buhan binian bisa bajauhan hulu satumat pintar lah..

All C   : inggih pa, assalamuallaiku

All       : waallaikumussalam…

Haji     : jadi kita kada usah buang-buang waktu gin lah, kita mulai haja pengajiannya.

All       : inggih pa !!

Haidir  : pa haji, kita kada pengajian kah hari ini?

Haji     : haidir, parasaan tadi kita mambahas ngintu pang sampai baliuran

Adul    : jangan hirani pa haji ai, iih akan ja haidir tuh

Haji     : aija sudah kita mulai pengajiannya lah.. bismillahirohmannirahhim..

(semua memulai pengajian dengan cara fast action)

Haji     : Alhamdulillah,, cukup gin lah pengajian hari ini. Sadang kita istirahat..

(semua keluar)

(BLACKOUT)

BABAK IV

Tam     : eyy buhannya,,, aku handak bakisah…

Halisa  : bakisah napa tamara…?

Tam     : sabujurnya…..

(lagu Karindangan)

Tam     : nah kaya itu pang kisahnya..

Azul    : hah? Kanapa maka ikam handak wan inya tuh? Ikam ingat ai kalo pas kita diinti inya tuh mandi?

Halisa  : azul… cinta itu buta zul.. wan jua cinta tuh datang tanpa permisi zull..

Azul    : dan pergi tanpa permisi jua..

Tam     : buhan ikam nih,,, kada tahu jua kanaa kah maka aku karindangan wan inya tuh, mungkin pas kajadian samalam tu pang kalo lah… kayapa nih? Aku bingung…

Halisa  : tasarah ikam haja gin tamara ai, amun aku mandukung haja pang.

Azul    : hati-hati tam ai ikam bertepuk sebelah tangan,, galau dehh..

Tam     : aduh ai,, mudahan ai inya baisi perasaan nang sama wan aku

A & H : amiinnn…

Adul    : selamat berjuang sanak lah, kami mendukung banar nahh…

Mario   : makasih sanak lah,, eh buhan kada jadi kah handak manamui pa haji?

Haidir  : ehh,, dul, kita kada jadi kah manamui pa haji?

Adul    : hiih lah, aija dah, kita nah dir..

(adul, haidir, halisa & azul keluar)

(semua pause, tuyul masuk membantu Tamara & Mario jadi posisi romantic)

(tuyul keluar)

Tam     : aii,, kanapa nih?

Mario   : tamara.. eee kanapa kita jadi kaya ini?

Tam     : tau jua, sudah takdirnya kalo hehe

Mario   : eee.. aku boleh jujur lah lawan ikam?

(lagu Pandangan Pertama – RAN / Pandangan Pertama – SLANK)

(Mario & tamara tanpa dialog tapi menggambarkan gerakan saling menyatakan perasaan dan diiringi music yang mendukung)

Mario   : ikam hakun lah jadi pacarku?

Tam     : inggih hakun ai… (tersipu malu)

Mario   : makasih tam lah

Tam     : inggih, sama-sama..

Mario   : tam, bilanya ikam kada hauran, isuk kita batamu disini pulang lah, aku hari ini handak pengajian hulu

Tam     : ayuha,, ulun gin handak pangajian jua nih..

Mario   : aija tam lah,, semangat..

Tam     : semangat jua… assalamuallaikum

Mario   : waallaikumussalam…

(Mario & tamara keluar)

(BLACKOUT)

BABAK V

(diiringi syair banjar. menceritakan tentang kisah asmara Mario & Tamara, didukung peragaan dari Mario & Tamara)

Isi Syair           :

KADA PANG LAWAS SINGKAT CARITA

MUDA MUDI DIMABUK CINTA

BUNGAS WAN LANGKAR ITU WANITA

GAGAH RUPAWAN ITU PASANGANNYA

            BAGAI DUNIA MILIK BADUA

            MAMADU KASIH PABILA JUMPA

            TANIAT HATI SAIYA SAKATA

            MALUCUK BIBIT GASAN KAINA

(Haji masuk bersana ortu Mario)

Haji     : Mario.. kasini hulu satumat, kuitan ikam handak batamu

(diiringi syair banjar. Mario bersama haji dan ortunya ke siluet dan membuat peragaan tentang Mario yang dijodohkan kawin, lalu ortu dan Mario keluar)

Isi Syair           :

KADA PANG LAWAS HARI BAHAGIA

DATANGLAH BUNDA BATAMU PUTRA

ADAPUN BUNDA PUNYA RENCANA

GASAN BAHAGIA NASIB SI PUTRA

            APALAH DAYA HATI DIBADAN

            MARISTA DIRI BADAN SURANGAN

            AMUN SUDAH KAHANDAK KUITAN

            SABAGAI ANAK JANGAN MALAWAN

Haji     : (mendekati Tamara) tamara, ni ada surat matan Mario

Tam     : (membaca surat)

Isi surat           :

“tamara, mudah-mudahan ikam mambaca surat ini, wan aku baharap ikam sabar mandangar kenyataan nginih, tadi aku didatangi kuitanku ka pesantren, aku disuruh bulik marga aku handak dijodohakan wan binian lain nang aku kada tahu siapa urangnya, aku kada kawa manolak kahandak kuitanku, ibarat buah simalakama, handak mamilih ikam takutan kahilangan kaluarga, handak mamilih kaluarga takutan kahilangan ikam, mudah-mudahan ikam kawa mangarti, pinanya kita cukup sampai disini gin, biarlah kisah kita menjadi kenangan, wassalam.” Mario-

Tam     : (sedih)

(diiringi syair banjar. masuk ortu Tamara kemudian mendekati tamara lalu jadi siluet menggambarkan perjodohan dengan Mario, tamara terlihat senang)

Isi Syair           :

HANCURLAH HATI SI BUNGAS LANGKAR

LAIN TUJUAN HANDAKNYA INGKAR

KADA PANG LAWAS TADAPAT KABAR

MUDAHAN LAIN BARITA SUKAR

            BAIK BARITA BAIK HARAPAN

            SASUAI HATI NANG JADI PASAN

            LAMUNNYA SUDAH TAKDIR TUHAN

            BERSATULAH HATI SI DUA INSAN

(semua pemain keluar)

(BLACKOUT)

BABAK VI

(karasminan yang ternyata perkawinan Mario & Tamara)

Suara dari mic :

“saya terima nikahnya Tamara binti Fazrianor dengan mas kawin seperangkat alat tukang dibayar tunai !”

Mario   : tamara, kada manyangka aku sakalinya biniannya tuh ikam

Tam     : iih, aku sudah tahu, tapi aku sawat takajut mandangar surat ikam tuh, aku tadudi dihabari kuitanku.

Mario   : mudah-mudahan kita jadi keluarga nang sakinah mawadah warahmah

All       : amin…..

Adul    : (sebagai Mc perkawian) kita sambut, radap rahayu…. Kuda gipang….

SELESAI