Pelangi Hirang

PELANGI HIRANG

(FAISAL REFKI / 4 MARET 2018)

TOKOH:

- MENJANGAN

- WARIK

- ANGGANG

- BERUANG

- BABI

- DATU PUTIH

- DATU HITAM

- BOS TAMBANG

- BURUH TAMBANG (5 ORANG)

- SPIDERMAN

- IRONMAN

- POHON

DATU PUTIH DAN DATU HITAM BERTARUNG KEMUDIAN DIMENANGKAN OLEH DATU PUTIH

Putih                : sudahlah, apa yang ditakdirkan menang maka akan menang dan apa yang ditakdirkan kalah maka akan kalah, Datu Hitam, kuberi kau kesempatan untuk menyesali perbuatanmu, apa yang telah kamu lakukan akan berbuah sia-sia

Hitam              : tidak, aku tidak akan menghentikan apa yang sudah aku rencanakan, ingat Datu Putih, ingat, suatu saat nanti akan ada sekelompok orang yang akan melanjutkan rencanaku, yang hitam akan menjadi milik hitam, ingat itu! yang hitam akan menjadi milik hitam !!! (sambal pergi meninggalkan Datu Putih)

BLACKOUT

SEKELOMPOK BURUH TAMBANG MASUK DENGAN KOREA YANG KOMPAK DIIRINGI MUSIK KEMUDIAN BERNYANYI PERKENALAN DIRI

SATU SATU SATU DUA SATU 2X

MAJU MAJU MAJU MAJU MAJU 2X

PANTANG PULANG SEBELUM DITEBANG

PANTANG PULANG SEBELUM DITAMBANG

ITULAH KAMI PASUKAN BURUH TAMBANG 2X

PERGI KEHUTAN TUK MENCARI UANG 2X

TIDAK PEDULI APA KATA ORANG 2X

HATI SENANG DAN DAPAT UANG 2X

SATU SATU SATU DUA SATU 2X

MAJU MAJU MAJU MAJU MAJU 2X

SIAPA KITA ?? PASUKAN BURUH TAMBANG 2X

Buruh 1           : hahahaaa…

Buruh              : hahahaaaaa….

Buruh 1           : (kepada penonton) kanalakan ngaranku utuh SINGSU gawianku manabang pohon nang ganal-ganal, puhun lumbuk, puhun waluh, puhun kaladi sampai puhun ulin habis dapatku,, hannn aku tu..

Buruh 2           : uyyyy kanalakan nagranku utuh KARUK gawianku manabuk lubang, jangankan luang tanah, manabuk pian nang bakarudung habang gin ulun bias hahaayyyy

Buruh 3           : buhannya,, kanalakan ngaranku utuh TARUNTUN gawianku sapasialis baangkut batu bara, jangankan batu bara, baangkut adding ka palaminan gin ulun sanggup muachhh..

Buruh 4 & 5    : amun kami badua utuh-utuh HORE gawian kami gasan manyemangati bubuhannya nih HOOREEEEE….

Buruh 1           : eyy  buhannya, aku handak bakisah, samalam pas aku bajalan kahutan nang luar biasa kadap sekadap muha ikam, aku malihat babi, kulihatakan babi tuh tadi inya rahatan makan, tahulah buhan ikam inya makan napa? Inya makan nasi sop, tapi kada pakai sendok

Buruh              : woowwwwww…

Buruh 1           : imbah itu inya kakanyangan, imbah kakanyangan inya maudak pucirinan, katujuuu banar inya bakulai dipucirinan situh, sampai sampai pucirinan nang bakas inya kulai tadi inya hirup. Tahulah inya mahirup pakai napa? Pakai sedotan

Buruh              : wooowwwwww…..

Buruh 1           : kada lawas inya takajut malihat aku, takutan banar inya malihat aku, baudur inya nih bagamatan, inya bamundur aku bamaju, kada handak aku babi tuh lapas langsung ai ku tangkap haaappppp…

Buruh              : naaaahhhhh ni nya babinya… (manangkap babi)

PARA BURUH MENANGKAP BABI KEMUDIAN DISIKSA HANYA UNTUK BERSENANG SENANG LALU DILEPASKAN

Buruh 2           : dasar babi  nih, kalakuan kaya babi hahahaaa haduh haii,,, lucut bananr malihat kalakuan babi

BOS TAMBANG MASUK DIIRINGIN MASUK YANG MENEGANGKAN

Bos                  : priiittttt…. Baris…. Siappp grak! Lencang kanan grak! Istirahat ditempat grak!. Aku parhatiakan matan tadi buhan ikam aur bagaya haja, amun kaya ini sampai kiamat kada sing tabukan tambang kita. Ingatakan, bila sampai buhan ikam katahuanku bagayaan haja masih, buhan ikam barataan aku pecat, biar aku haja nang bagawi surangan, biar ja aku uyuh buhan ikam kada bataha sanggup, biar aku haja.

Nang kaya biasa, aku datang kamari handak mandangar laporan matan bubuhan ikam barataan, nang partama, utuh singsu kayapa gawian ikam hari ini?

Buruh 1           : hari ini ulun sudah manabang 100 pohon ulin

Bos                  : imbah tu pang?

Buruh 1           : kada pakai singsu tapi pakai kukuit gigi

Buruh              : woooooowwwwww

Bos                  : bagus, utuh karuk kayapa gawian ikam hari ini?

Buruh 2           : ulun hari ini sudah manabuk tanah sadalam 500 meter

Bos                  : imbah tu pang?

Buruh 2           : tapi kada pakai masin karuk, pakai kulit kuaci

Buruh              : wooowwwwww…

Bos                  : mantap. Utuh taruntun kayapa gawian ikam hari ini?

Buruh 3           : maaf bos ulun hari ini kadad kulihan

Bos                  : kanapa maka sampai kadada kulihan? Napa haja nang ikam gawi maka sampai kaya itu?

Buruh 3           :   ulun galau bos ai

Bos                  : galau kanapa ikam?

Buruh 3           : dilan bos ai, dilan katahuan ulun bajalan lawan milea, cemburu ulun lawan milea abos ai

Bos                  : bapala ikam nih, dilan tuh lakian kanapa ikam maka camburu lawan inya, kada boleh, buhan ikam tuh lakian, nang pantas camburu tuh aku, soalnya aku katuju lawan ikam…

Buruh 3           : bujura kah bos? Ulun harus kayapa, haruskan ulun mengubur dalam dalam perasaan ini?

Bos                  : muha ikam tuh dikubur!! Dah gin jangan galau lagi, lakasi dah kita bagawian. (kepada semua) barataan, babulik ka barisan ada nang handak aku sampaikan. Hari ini aku handak mancuntuh akan cara manabang pohon nang baik wan bujur. (mendekati pohon yang ingin ditebang) pertama-tama kita lihati hulu pohonnya pakai kaca pembesar.

Buruh 4 & 5    : kanapa harus pakai kaca pembesar bos?

Bos                  : karena sakira pohon nang halus talihat ganal, jadi kita kadada alasan lagi kada manabang pohon nang halus, ganal  barataan. Nang kadua kita pastiakan pohon tadih kada babau hancing

Buruh 4 & 5    : napa pulang hubungannya babau hancing lawan manabang pohon bos?

Bos                  : sakira kita kada muak pas manabang kaina, amun kita muak aku jamin kada bataha tatabang pohon tadih. Nang terakhir kita pastikan badan kita sehat jasmani wan rohani. Bila kita gagaringan atau gila nyata dah kada tatabang pohon nang ada tatabang kawan dihiga, paham??

Buruh              : PAHAM !!   

Bos                  : mantap. Lihati aku manabang pohonnya (memperagakan menebang pohon)

POHON YANG MAU DITEBANG TADI BERBICARA DAN MENGGAGALKAN PENEBANGAN

Pohon              : woooyyy manusia, jangan tebang aku, amun bubuhan ikam manabang aku buhan ikam kaina gila, aku nih pohon Karamat nang dijaga datu, sudah banyak nang handak manabang aku kada lawas buhannya gila, amun buhan ikam handak Salamat baik bajauhan gin matan wayahini

Bos                  : ayyy pohonnya bisa bapandir, tapi aku kada parcaya napa jar ikam, ikam pasti  badusta. (mencoba menebang kembali)

Pohon              : (memukul si penebang dengan rantingnya) nahhh kada maasi, handak sakit kah?

Buruh 1           : bosss ni kada wajar lagi bos ai, pohonnya bias bapandir wan bias mancatuk, baik kita bukahan haja gin bos ai, ulun kada handak mati bos ai (para buruh meninggalkan bos sendirian)

Bos                  : bubuhan ikam nih awak haja ganal maka kada wani lah, lakasi ganii aku manabang, serang !!!!

Pohon              : serang ha kuat-kuat anak buah ikam sudah bulikan, ikam ja lagi surangan.

Bos                  : bapala banar buhannya  nih, mun kaya itu baik aku bukah jua nah, awas ja ikam pohon ai kaina aku babulik pulang manabang ikam, awaaasss !! (meninggalkan pohon)

Pohon              : hahahaaa… pina iya handak manabang aku, kada bataha kawa pang. Oh hiih lah, musia inya bujuran babulik kaina. Mun  kaya itu baik aku lapor akan wan Datu Putih ha nah.

(POHON MEMANGGIL DATU PUTIH)

Pohon              : ohhh datu putih.. datanglah ada yang ingin saya sampaikan…..

(datu putih muncul dari atas gunung)

Putih                : kenapa kamu memanggil saya wahai pohon?

Pohon              : kaya ini nah datu lah, samalam ulun handak ditabang bubuhan buruh tambang, tapi ulun kawa menggagalakan, nang jadi masalah nih buhannya handak babulik pulang kaina jar gasan manabang ulun

Putih                : sepertinya apa yang telah direncanakan oleh Datu Hitam akan segera terjadi

Pohon              : hah? Rencana napa garang si Datu Hitam wahai Datu Putih?

Putih                : dia berencana suatu saat akan dating beberapa orang yang akan menghancurkan hutan, dan nampaknya mereka yang ingin menebangmu itulah orang-orang tersebut.

Pohon              : jadi pang kita harus kayapa nih Datu?

Putih                : aku akan memanggil para hewan untuk menjaga hutan kita, mereka sudah aku persiapkan untuk kejadian ini.

Pohon              : ayuha amun kaya itu Datu ai.

BLACKOUT

LAMPU NYALA, PARA HEWAN MUNCUL SAMBIL BERNYANYI DAN KOREO DIIRINGI MUSIK YANG SESUAI

HALLOO… HALLOO… HALLOO…

KAMILAH PENGHUNI HUTAN, HIDUP DIHUTAN MENCARI MAKAN DIHUTAN

POHON POHON JADI RUMAH KAMI

BUAH BUAHAN JADI MAKANAN KAMI

HALLOO… HALLOO… HALLOO…

PERKENALKAN INI TEMAN KAMI

NAMANYA KIJANG, LINCAH GERAKNYA, PINTAR AKALNYA

HALLOO… HALLOO… HALLOO…

KALAU INI ANGGANG NAMANYA, INDAH BULUNYA, CANTIK ORANGNYA, TERBANG AHLINYA

HALLOO… HALLOO… HALLOO…

DAN INI WARIK NAMANYA, JAHIL ORANGNYA, BANYAK BICARA, ASIK ORANGNYA

HALLOO… HALLOO… HALLOO…

DAN DIA BABI NAMANYA, MAKAN SUKANYA, MALAS KERJANYA, PENDEK AKALNYA

HALLOO… HALLOO… HALLOO…

DAN TERAKHIR BERUANG NAMANYA, BESAR BADANNYA, TAJAM CAKARNYA, SANGAR WAJAHNYA

HALLOO… HALLOO… HALLOO…

ITULAH KAMI PENJAGA HUTAN, MENGGANGGU HUTAN AKAN KAMI LAWAN

KARNA KAMI HIDUP DIHUTAN

Putih                : hewan-hewan, ada yang ingin saya sampaikan kepada kalian semua, aku memanggil kalian semua karena kejadian ini sangat genting, Datu Hitam mulai menjalankan misinya lagi untuk menghancurkan hutan kita, kalian semua sebagai penghuni hutan semua harus menjaga agar kejadian itu tidak terjadi. Kemarin kata Pohon ada sekitar 6 orang dengan pakaian dan topi mencoba menebangnya untung saja pohon bias engatasinya, namun mereka berjanji akan kembali lagi menjalankan misinya yang telah gagal, untuk itu kalian aku minta untuk berjaga-jaga supaya hal itu tidak terjadi bagaimana pun caranya.

Babi                 : oh hiih, aku hanyar ingat samalam pas aku bajalanan kahuta aku tatamu bubuhannya tuh, buhannya maanui aku, manyiksa aku, tapi aku kada wani malawan, aku surangan haja samalam.

Beruang           : nahhh bujurankah tuh Babi? Kanapa ikam kada mangiyau aku samalam

Babi                 : mangiyau kayapa jua, ikam ja jauh banar sudah maninggalakan hutan

Beruang           : bahhh,,, jakanya ada aku tuh kada bataha tu pang buhannya wani, handak linyak banarai rooaarrr…

Anggang         : jadi pang datu amunnya kami kada kawa manggagalakan buhannya tuh kayapa?

Putih                : kalua kalian gagal dalam menjaga hutan, kalian semua tidak akan memeiliki tempat tinggal lagi, pohon-pohon akan ditebang, tanah yang subur akan menjadi gersang, kalian tidak bias makan dan pastinya kita semua akan mati.

Kijang             : waduuhhh,,, ulun kada handak mati, amun ulun mati kaina kadada lagi kijang dihutan nih, hiiiiii…

Warik              : hiih, amun hutan kadada lagi kada kawa makan pisang lagi am, kada kawa baluncat-luncat ka pohon am..

Putih                : oleh karena itu kalian semua harus menggagalkannya, kalua kalian tidak sanggup aku yang akan turun tangan, kalian jangan khawatir. Kalian siap?

Hewan             : SIAP !!

Putih                : baiklah, sebaiknya kalian istirahat dulu, siapa tau mereka besok akan kembali.

BLACKOUT

LAMPU NYALA, PARA BURUH MASUK MEMBAWA PERLENGKAPAN MUTAKHIR

Bos                  : taraaaaa… kami kembali….

Buruh              : hahaaaa….

Bos                  : uy buruh-buruh, kalian siap  ?

Buruh              : SIAP!!!!

Bos                  : mantap. Amun sudah kayaini kada bataha agi tu pang dah, awas ja ikam pohon ai ku tabang ikam hari ini jua hahaaa..

Buruh              : hajaarr !!!!

Bos                  : pasukan, serang !!!

(buruh memulai menyerang pohon tetapi seketika muncul beruang)

Beruang           : eyyy buhan ikam barataan, amun  buhan ikam sawat tagatuk pohon tuh, awas ja, linyak bubuhan ikam barataan..

Bos                  : ikam siapa?

Beruang           : aku beruang, rooaarrr !!

Buruh 4 & 5    : hiiiii,,, takuttttt… hahahaaa

Bos                  : ikam handak manhalangi kami kah? Kada bataha kawa, kami kada takutan, pasukan serang !!!

(para buruh melawan beruang dan berhasil dikalahkan)

Beruang           : culasnya buhan ikam  lah pakai senjata, urang ada boleh kyatu, awas ja buhan ikam ku kiyau akan kawananku. (memanggil kawanan hewan lainnya) uyyy buhannya, bantui aku..

(para hewan muncul)

Warik              : kanapa sanak?

Beruang           : tuh buhan tambang nang dipadahi Datu putih maalam tadi handak mahancurakan hutan

Babi                 : ohhhh nih buhannya nang manyiksa aku samalam.

Anggang         : bapala, amun kaya itu lakasi kita hajar haja dah buhannya  tuh

(hewan dan buruh bertarung dan dimenangkan oleh hewan)

Buruh 1           : bos, buhannya culas bos ai, bias manguracak bos ai..

Buruh 2           : hiih bos ai, pinanya kita kada kawa malawani buhannya bos ai

Bos                  : buhan ikam tanang haja, aku ada sauting lagi baisi senjata pamungkas nang luar biasa canggih, awas buhan ikam. (memanggil ironman) datanglah, datanglaaaaahhhh…..

(ironman muncul)

Bos                  : ironman, bantui kami, tuh buhannya manyambati ikam tadi, ikam disambatinya wasi tuh jar, jual bakilo haja jar. Amun aku jadi ikam ku tampiling tu pang.

(ironman marah dan menyerang hewan, akhirya hewan kalah)

Kijang             : culasnya heh pakai robot. Buhannya kayapa kita nih, haruskan kita minta tolong lawan datu?

Warik              : hiih, pinanya kita harus minta tolong lawan datu pang nih.

Babi                 : (kepada buruh) ey buhan ikam hadangi hulu lah kami bapadah lawan datu

Hewan             : datuu… bantui kami… datuu….

(Datu putih muncul diatas gunung)

Putih                : ada apa kalian memanggilku

Anggang         : kayanini nah datu ai, kami kada kawa malawani buhannya, buhannya basangu robot nang kada kawa dikalahakan.

Putih                : kalua begitu aku akan membantu kalian, aku akan memanggil satu binatang lagi untuk menandingi robot itu. (memanggil Spiderman)

(spiderman muncul dibalik bukit)

Warik              : waawwwww,,, binatang napa nginih datu?

Putih                : dia adalah kabibitak, dia  adalah superhero, dia akan membantu kalian menghadapi robot iu, (kepada spidreman) spiderman, aku utus kamu untuk membantu hewan-hewan itu, karna kamu juga hewan. Kamu bersedia?

Spiderman       : (mengisyaratkan setuju)

Putih                : Baikalah kalua begitu, hewan-hewan, lanjutkan perjuangan kalian

Babi                 : (kepada buruh) eyyy, kami sudah tuntung, lakasi kita mulai lagi

Kijang             : hahahaaa,,, kami gin ada baisi kawan nang kawa manandingi robot buhan ikam, kanalakan, SPIDERMAN !!

Bos                  : spiderman ?? hahahaaa… itu tuh kabibitak

Beruang           : nahhh mahahulut, dah gin jangan banyak pander lagi, lakasi kita adu, spidrerman, hajar robot tuh sampai batagar…

Bos                  : ironman, hanguskan kabibitak tuh sampai hangit.

(spideman dan ironman bertarung kemudian dimenangkan oleh spiderman)

Hewan             : huuuuuu… kalah kalah.. kalah kalah….

Bos                  : ahhhhhh…. Sial, awas ja buhan ikam barataan…

(Datu Hitam muncul)

Buruh 3           : boossss… siapa inya tuh bos….

Hitam              : diam, dasar kalian tidak berguna.. sepertinya kalian para hewan memang sudah dipersiapkan oleh Datu Putih untuk menghalang-halangiku, tapi itu akan sia-sia, aku akan merebut kembali apa yang menang menjadi hak ku, hahahaaaaaa

(hewan buruh dan semuanya terdiam, kemudian datu putih menghampiri datu hitam)

Putih                : Datu Hitam, kau telah kembali rupanya, setelah kejadian itu aku kira semuanya sudah selesai

Hitam              : selesei.. selesai katamu hahaaaa. Belum, sebelum aku mendapatkan apa yang aku inginkan.

Putih                : sampai kapanpun hutan ini tidak pernah bias menjadi milikmu selagi aku masih ada disini, aku akan tetap menjaganya apapun yang terjadi.

Hitam              : dasar keras kepala. Sebentar lagi masa itu akan tiba hahahaaaa… aku akan menngalahkanmu wahai Datu putih hahaaaa…

(datu hitam dan gatu putih bertarung dan dimenangkan oleh datu putih)

Putih                : sudahlah datu hitam, lupakan saja niatmu ingin merebut hutan ini.

Hitam              : tidak, sampai kapanpun aku akan terus erusaha untuk merebut hutan ini, lihat saja nanti, lihat sajaa,,,,, (meninggalkan datu putih)

BLACKOUT

SELESAI

Soerat Koeasa

SOERAT KOEASA

(FAISAL REFKI – 07/03/2018)

TOKOH:

PALUI KAKA (PADUKA)

PALUI ADING

GARBUS

KUITAN PALUI

FIGURAN 1

FIGURAN 2

SETTING TEMPAT DAN WAKTU:

INDONESIA TAHUN 1970

SETTING PANGGUNG:

RUANGAN RUMAH – PINGGIR JALAN – TAMAN - BONGKAR PASANG

SUARA ORANG TUA PALUI DARI MIC

Kuitan             : anak mama nang paling mama sayangi. Ni mama datang manamui ikam lewat mimpi, ada nang handak mama sampaikan lawan ikam nak ai, aku mandangar ikam mambariakan surat perintah kekuasaan gasan ading ikam kalo? Mama tahu ai ikam tuh sayang banar lawan ading ikam, tapi jangan jua sampai mambariakan kekuasaan gasan inya, ikam tahu haja kalo sudah kayapa kalakuan adding ikam tuh, inya tuh kada tapi Panjang akalnya nang kaya ikam, urangnya baambisi banar, karas hati nak ai, amun sampai kekusaan jatuh ta ka inya bisa bisa hancur nagara nak ai. Saran mama sabalum talamabat nak ai ikam datangi inya, padahi kada jadi ikam memberikan kekuasaan tuh. Amun ikam sayang wan masyarakat ikam, ikam kada bataha mambariakan kekuasaan itu ka inya nak ai, wan jua perlu ikam ingat nah nak lah, kita nih negara demokrasi, jadi pemimpin tuh dipilih langsung oleh  masyarakat, lain nang kaya ini pang caranya. Ingati nak lah, jangan sampai ading ikam nang bakuasa. Ingati pandiran mama.

PADUKA TERBANGUN DARI TIDURNYA

Paduka             : astaghfirullah… hiih lah bujur jua jar pian ma ai, saharusnya ulun kada mambariakan kekuasaan gasan ading, kanapa maka aku kada sampai kapikiran sampai kasitu, ngalih ai nang ngaran sayang pang leh, amun kaya itu aku harus mandatangi inya wayhni jua, (MELIHAT TANGGAL) nah hiya am sudah tanggal saini, baarti inya hari ini handak maulah kebijakan nang hanyar nih, musia inya baulah peraturan nang kada msuk akal, pacangan ngalih am ni kaina, haduuhhh,,, ayuha nah aku harus capat mandatangini inya, (MEMANGGIL GARBUS) garbuusss,,, bawakan baju gawian ku wayahni jua, aku handak tulak

GARBUS MASUK MEMBAWAKAN PAKAIAN PADUKA

Garbus             : (MENYERAHKAN PAKAIAN) aiii,, pian nih baganti baju tapi kada mandi, kayapa kisahnya

Paduka             : aku nih bus ai handak bacacapat nah, kada mandi kada jadi masalah jua, awak ku kada babau jua kaya awak ikam

Garbus             : handak kamana garang pian paduka?

Paduka             : jangan banyak batakun, pokoknya ikam iringi aku hari ini, garbus, siapakan mutur nyaman kita tulakan.

Garbus             : maaf paduka ai nah, mutur pian rusak paduka ai

Paduka             : ai rusak kanapa? Maka malam tadi hanyar imbah kita pakai gasan bajalanan

Gabus              : anu paduka ai, malam tadi tuh ulun handak mambarasihi kalo, sakalinya kada ingat manutup kaca jandilanya, pas baisukan tadi ulun pariksa sakalinya dibangkunya hibak tahi ayam paduka ai, sudah ulun barasihi tatap haja babau paduka ai, sampai sampai bapangaruh ka masinnya paduka ai, pinanya masinnya maraju paduka ai imbah mancium tahi ayam tadih

Paduka             : umayyy garbus,, kanapa maka sampai bakajadian kaya itu, amun kaya itu ulur akan hunda ku

Garbus             : maaf paduka lah, maka pian kadada  baisian hunda

Paduka             : ayy hiih lah, jadi pang salain itu napa nang aku baisi?

Garbus             : sapida tinjak

Paduka             : sapida tinjak ? (TERKEJUT BINGUNG) calaka am pacangan uyuh am kita, ayuha sudah turunakan ha sapidanya, daripada kita bajalan

Garbus             : laksanakan paduka

GARBUS KELUAR

Paduka             : (SAMBIL MENGENAKAN PAKAIAN) bapala banar baisi ajudan nang kaya garbus nih, padahal bahari asa kada suah inya nih bakajadian sampai mutur dihirai ayam, garbus garbus,, jakanya kada kawan matan lagi halus ikam tuh bus ai kada bataha pang nyaman kayaini

GARBUS MASUK MEMBAWA SEPEDA

Garbus             : paduka, sapidanya sudah siap

Paduka             : ayuha dah, kita tulakan, ikam tinjak sapidanya aku dibalakang maarahakan jalan

Garbus             : sakali lagi maaf paduka ai nah, ulun nih kada bisa basapida paduka ai, suah lah pian malihat ulun basapida tinjak matan lagi halus? Kada suah kalo, amun ulun pakasa akan mambwa sapida kalo pina kita tacabur ka pucirinan paduka ai.

Paduka             : yaa sallam,,, sarabanya ikam garbus lah hari ini, malambati akau haja, ayuha nah aku nang mambawanya

Garbus             : tapi paduka, masa pimpinan lah nang mambawa, kayapa kaina amun dilihati urang, jatu harga diri pian

Paduka             : mauk, banyak pander ikam lah, sarah ja lagi dah handak kayapa kah, pokoknya kita harus capat hari ini, ikam kawani aku, lakasi babuat

Garbus             : siap !!

PADUKA DAN GARBUS PERGI MENAIKI SEPEDA

SETTING PANGGUNG BERUBAH MENJADI JALAN KOTA

Garbus             : maaf paduka, kita nih handak kamana garang maka pina bagasakan kayaini?

Paduka             : aku nih handak mandatangi adingku garbus ai, samalam tuh aku mambari hadiah ulang tahun gasan inya kalo, nang ngaran inya nih ulang tahun 4 tahun sakali, jadi kubarii inya nih surat.

Garbus             : surat napa paduka?

Paduka             : surat kakuasaan jabatan garbus ai, imbah itu hanyar aku  nih sadar bahwa adingku tuh kada layak masih mandapatakan jabatan tuh, jadi aku nih handak mambatalakan surat tuh, amun lambat kaina inya bakalakuan macam-macam.

Garbus             : ooohh kaya itu kah…

DITENGAH JALAN PADUKA DAN GARBUS DIHADANG OLEH DUA PERAMPOK

Garbus             : paduka.. pinanya kita dihadangi urang pang nah paduka ai

Paduka             : hiih bus ai, kayapa kita nih?

Garbus             : hadapi ai

Paduka             : muha ikam, lihati tu nah buhannya mambawa sinapang, amun kita lawani pacangan KO kita

DUA PERAMPOK TADI MENGHAMPIRI PADUKA DAN GARBUS

Rampok 1        : turuuunnnnnn !!! lakasiiii !!!!

Garbus             : ampuuunn… jangan rampok kami, kami kadada baisian harta

Rampok 2        : dustaaaa !! pilih nyawa atau harta?

Paduka             : (KEPADA GARBUS) ikam tanang haja, biar aku nang maatasinya. (KEPADA RAMPOK) amun aku mamilih harta kanapa garang?

Rampok 1        : uuuuu malawan kah, handak linyak saku ikam nih

Paduka             : ikam kada tahu lawan aku kah… (MEMERAGAKAN KUNTAU) majuuu !!

Rampok 2        : (MENODONG SENAPAN) nahh,, sadikit haja ikam bagarak pacah kapala

Paduka             : heheee,,, ayuha dah, buhan ikam culas pang pakai sinapang, ambil ha situ samua harta kami, tapi jangan diapa apai kami

Rampok 1        : yaa tu nang kaya itu, jangan pina musti handak malawan, sinih mana harta buhan ikam

Paduka             : (MENYERAHKAN HARTA YANG DIBAWANYA) itu haja nang kami bawa, kami urang sakit jua.

Rampok 2        : sapida nih ampun ikam jua kalo? Kami bawa jua lah, kami uyuh bajalan. Dadahhh..

DUA PERAMPOK MENINGGALKAN PADUKA DAN GARBUS DENGAN MEMBAWA SEPEDA MERAKA

Paduka             : garbus, aku batakun lawan ikam? Fungsi ikam nih napa? Ikam nih ajudan ku kalo, kanapa maka kadada handak malindungi aku, bapala banar ikam  ni lah.

Garbus             : kayapa pang paduka, jakanya buhannya tadi kada mambawa sinapang wani ai ulun

Paduka             : ahhhh ikam nih, ni nah kayapa kita nih, habis dah harta, sapida dibawa urang, mau kada mau ai kita bajalan batis sampai katujuan.

Garbus             : kayapa pang lagi..

Paduka             : ayuha sudah lakasi nah kita lanjutakan, ikam tatap iringi aku, jangan kamana mana

Garbus             : laksanakan !

PADUKA DAN GARBUS MELANJUTKAN PERJALANAN MENGGUNAKAN JALAN KAKI

SETTING PANGGUNG BERUBAH MENJADI TAMAN

Garbus             : paduka, uyuh…

Paduka             : umayy leh bus, ikam tuh ajudan ku, saharusnya ikam tuh kuat, hanyar ja kita bajalan sudah uyuh lah?

Garbus             : kayapa am paduka ulun kadada makan lagi saharian

Paduka             : sama haja kita kada makan lagi bus ai

Garbus             : aduuhhh.. kada sanggup lagi nah paduka ai.. istirahat paduka

Paduka             : aduuhh aii ikam nih malambati haja bisanya, ayuha dah parak sini rasanya ada taman, kita istirahat disana hulu satumat

Garbus             : alhamdulillah….

PADUKA DAN GARBUS TIBA DITAMAN

Paduka             : ayuha hulu kita dudukan satumat, satumat haja tapi lah, karna waktu kita sadikitannya lagi

Garbus             : inggih paduka…

Paduka             : bus, aku handak bakisah lawan ikam nah bus lah, ikam tahulah kanapa aku jadi handak banar manamui inya wayahinian jua, malam tadi aku dimimpii kuitanku bus ai, jar sidin amun sampai inya berkuasa, nagara nih pacangan kacau bus ai. (MENENGOK GARBUS YANG SEDANG TERTIDUR) uma umaaa… bapala lih garbus baliuran aku bakisah inya maka nyaman banar guring.

DUA ORANG WARIA MASUK DAN MENGGANGGU

Banci 1            : wowoww, ada mangsa cyiin..

Banci 2            : ulala bala bala. Capcus cyinn kita kipung

Paduka             : astaga. Makhluk napa ngintuh. Pina banyala-nyala, dilihat kaya babinian tapi batis baotot, dilihat kaya lakian katiya kalakuan kaya babinian, inya tuh manusia kah lain.

Banci 1            : haaayyy.. godain kita dong

Banci 2            : handak pakai tikar kah atau handak beralaskan tanah yang penuh gairah.

Paduka             : hus hus. Bajauhan nah jangan baparak wan aku, marigat huss…

Banci 1            : hah, ikam nyambati kami nih marigat kah? Ulalaaa. Kada tahu lawan servisan kami lagi  nih, muacchh

Banci 2            : btw, maapa nih ikam ditaman surga ini?

Paduka             : eee… (MENIRUKAN SEORANG WARIA) aku lagi mangipung mangsa ciinnn… lihati, mangsanya tulai cyiinn imbah ku hirup, muacchhh

Banci 1            : ayyy,,, bancir jua kah nyawa nih?

Paduka             : iyaa cyyiinnnn…

Banci 2            : bahh. Wani ikam lah maambil jatah kami, ini nih wilayah kakuasaan kami, ikam janggan bacari mangsa disini

Paduka             : ihhh aku kada mancari mangsa disini, aku mangipung disini banarai.. eh eh, buhan ikam tahulah, si mangsa ku nih kuat banaarrr.. tadi sudah 3 kali inya tulai imbah tuh inya bangun pulang, maka duitnya banyak cyiinn..

Banci 1            : ulalaaa, bagi bagi pang, kami nih saharian dah balalah kada dapat mangsa lagi.

Paduka             : ayuha, hakun ai aku babagi wan buhan ikam, tapi ada syaratnya

Banci 2            : napa tuh syaratnya cyyiinn..

Paduka             : bukan ikam  jangan mangipung disini, bajajauh kasana tu nah.

Banci 1            : emmm,, ayuha dah, akurr…

Paduka             : okee.. banguni ja inya tuh, bawa ha lagi kamana kah

PARA BANCI MEMBANGUNKAN GARBUS KEMUDIAN MEMBAWANYA

Garbus             : ayyy kanapa nih, handak dibawa kamana aku

Paduka             : maaf garbus, buhannya handak lawan ikam, aku kada kawa malawan

Garbus             : eyyyy jangan bawa aku, bancir laknat, jangan japai aku, jangaaaannnn….

GARBUS DIBAWA OLEH KEDUA BANCI KELUAR

Paduka             : bapala banar bancir nih, maaf ai garbus ai aku manyurung ikam, mudahan ikam diberi ketenangan ja disana. Haduhh macam macam haja hari ini ditamui, pamulaan tadi rampok, habis hartaku diambilnya, ni tadi pulang bancir pulang nang datang, untung kawa diakali. Hadang, kanapa lah parasaan ku antara rampok lawan bancir tadi pina ada mahiripnya yo? Ooo, katahuanku sudah, pantas ai, awas ja lah buhan ikam mun tatamu aku lagi, aku kada bataha kalah tu pang. Ayuha dah, amun kaya itu paksa ai dah malanjutakan surangan nah.

TIDAK LAMA MASUKLAH PENGEMIS

Pengemis         : paman, sumbangannya paman, kasihani ulun paman

Paduka             : astaghfirullah, marasnya ikam ding, kuitan ikam mana?

Pengemis         : kuitan ulun lagi baganti baju (KECEPLOSAN) upss, maksud ulun sidin lagi bapintaan jua paman ai

Paduka             : ohh.. barapa umur ikam ding? Kada sakulah kah?

Pengemis         : umur ulun hanyar 10 tahun paman ai, ulun kada kawa sakulah, makan haja ngalih paman ai apalagi bayar sakulah

Paduka             : ohh 10 tahun kah hanyar umur ikam, tapi kanapa maka pina tuha yo?

Pengemis         : nyata ai pina tuha, ulun makan makanan basi tarus paman ai

Paduka             : umay marasnya ikam ding, ikam tahulah ding mama ikam tadi hanyar ja imbah dapat duit banyak ding ai dibarii bos

Pangemis         : babujur, bapala banar inya nih kanapa  maka kada bahabar wan aku (KCEPLOSAN) opss..

Paduka             : husss, kanapa maka bamamai, kada boleh kaya itu lawan kuitan, kuitan ikam kah lain?

Pengemis         : ulun saking himungnya tadi paman ai heheee

PENGEMIS LAINNYA MASUK

Pengemis 2      : assalamuallaikum, paman sumbangannya paman. kasiani ulun

Pengemis 1      : nah  ni nah kuitan ulun paman ai

Paduka             : (KEPADA PENGEMIS 2) pian bujuran kuitannya inya nih kah?

Pangemis 2      : hah? Pabila bila aku jadi kuitannya, kami nih bakawan saumuran

Pengemis 1      : (MENARIK PEGEMIS 2 KE SAMPING) aduuhhh,, kayapa ikam nih, aku tadi tapadahi ikam tuh kuitanku, saharusnya ikam maiih akan ja, amun kaya ini katahuan am kita

Paduka             : (MEMOTONG) uyy,,, nang mana nang bujur nih, kuitan kah kawan kah?

Pangemis 1      : kuitan !

Pengemis 2      : kawan !

Paduka             : ayy kanapa maka balain kaya itu. Ayuha tasarah buhan ikam ja lagi nang jalas aku kada kawa mambari buhan ikam duit, (MEYAKINKAN) buhan ikam tahulah, aku tadi imbah DIRAMPOK urang, habis hartaku dibawanya, imbah itu kada lawas aku batamuan lawan BANCIR laknat, sial banar aku hari ini, biasanya bilanya aku rancak takana sial saharian itu artinya gampiranku handak MARASUKI aku !, maka bilanya aku sudah karasukan gampiranku, aku tuh kada kawa mangandaliakan lagi, ujar urang nang suah manamui aku karasukan, aku tuh bisa MAMATII ! hann,, bari takutan kalo?

Pengemis 1      : bujur jua kah bisa kaya itu

Paduka             : bujuran, makanya aku bapadah haja lawan buhan ikam kalo pina sawat manamui aku kayaitu, lakasi haja buhan ikam bajauhan sajauh jauhnya

Pengemis 2      : ahhh kami kada parcaya nang kakaya itu

Paduka             : nahh, tasarah buhan ikam haja lagi, aku sudah mamadahakan, baarti lain salahku lagi.

PADUKA SEDIKIT MENJAUH DAN MELAKUKAN GELAGAT KERASUKAN

Pengemis 1      : (KEPADA PENGEMIS 2) eyy,, lihati kanapa inya tuh pina guguliat kayaitu, musia inya handak kasurupan

Pengemis 2      : gatalan haja kalo inya tuh, aku kada parcaya pang ada urang nang bisa kasurupan kaya itu

Paduka             : (MENIRUKAN KESURUPAN) eyyy buhan ikam badua jangan babisik-bisik nang kaya itu, aku kada katuju amun dipandirakan babalakangan kaya itu woooaaarrrr !

Pengemis 1      : han dustalah bujuran kasurupan sakalinya inya

Paduka             : buhan ikam badua, aku tahu siapa sabujurnya buhan ikam badua nih, bukan ikam nih lain pengemis kalo? Buhan ikam nih urang nang sama nang marampok aku wan nang jadi bancir tadi kalo? Waninya ikam manggangu gampiranku, awas buhan ikam lah, KUMATII buhan ikam badua woaarrr…

Pengemis 2      : ampuunnn,, kami kada bamaksud nang kaya itu

Paduka             : kada usah minta ampun lawan aku, minta ampun lawan tuhan, itu urusan buhan ikam lawan tuhan, tapi aku disini handak mambalas napang nang sudah buhan ikam gawi lawan gampiranku, MATI buhan ikam, MATI !!

Pengemis 1      : (KEPADA PENGEMIS 2) sanak, jangan baranai disini kita, baik kita bukahan haja, kalopina dikacaknya kita habis am

Pengemis 2      : hiih, lakasi dah kita bukahan.

PENGEMIS LARI TERBIRIT-BIRIT KELUAR PANGGUNG

Paduka             : (KEMBALI NORMAL) hahahaaaa…hakun haja kubunguli, kada tahu lawan aku lagi hahaaa, macam-macam ja kalakuan manusia, jaka tahu matan pamulaan nang kaya ini sudah am parampok tadi kubunguli jua, hadeehhh. Ay, ni jam barapa dah, kada kawa balalambat lagi aku nah mun kaya ini, ayuha nah lanjut ai pulang nah maraha surangan

PADUKA MELANJUTKAN PERJALANAN

SETTING BERUBAH MENJADI RUMAH PALUI

Palui                : garbus, kayapa tugas ikam, lancar haja kalo?

Garbus             : napa nang pian suruh sudah ulun gawi bos ai, ulun jamin sidin kada bataha sawat mandatangi pian bos ai, pian tahulah bos, sidin tuh kada bamandian tulak tadi hahaa, lawan jua sidin parcaya haja ulun padahakan mutur sidin tuh rusak, padahal baik haja, pinanya sidin panik banar sudah makanya kada sawat lagi man cek hahaaa

Palui                : mantap, mantap, amun kaya itu kita mahadangi habar nang badua tadi pulang kayapa hasilnya

AJUDAN PALUI MASUK

Palui                : nah pas banar nang dihadangi sudah datang, kayapa tadih habar gawian buhan ikam

Ajudan 1         : jadi nang kaya ini nah bos lah, tugas kami nang marampok tuh sukses banar bos ai, kami berhasil maambil samuaan harta sidin, amun kada parcaya takuni garbus

Palui                : bujur kah garbus?

Garbus             : bujur banar bos ai, takutan banar sidin tadi tuh hahaaa

Palui                : mantap, imbah tu pang kayapa gawian buhan ikam nang kadua

Ajudan 2         : nang kami jadi bancir tuh bos ai kami parak dah katahuan, sidin kawa maaakali kami, sidin bapura-pura jadi bancir jua bos ai, pinanya sidin mulai curiga pang sudah, jadi kami ganti strategi, kami bawa garbus badahulu bos ai.

Palui                : ayuha kada papa, sidin tuh dasar harat akal, gawian nang tarakhir pang kayapa?

Ajudan 1         : nah itu, kami handak batakun hulu wan pian, sidin tuh bujuran kah bisa kasurupan gampiran kaya itu? Jar sidin bila sidin karasukan, sidin bisa mamatii ka manusia

Palui                : dustainya buhan ikam, kanapa maka parcaya, sidin tuh mana suah ada baisi gampiran, aduuhhh. Dasar Panjang akal sakalinya beliau tu lah. Jadi buhan ikam gagal lah tuh?

Ajudah 2         : inggih, kada kawa ai bos ai

Palui                : bah iya pang, bisa gagal jua ni rancanaku handak jadi penguasa.

KEMBALI KE PADUKA YANG SUDAH TIBA DI DEPAN RUMAH PALUI

Paduka             : alhamdulillah akhirnya sampai jua, mudahan sawat haja masih nah. (MENGETOK PINTU RUMAH PALUI) luii.. bukai lui… aku tahu ai ikam ada didalam, uuu luiii, ada nang handak ku padahakan wan ikam.

KEMBALI KEDALAM RUMAH PALUI

Palui                : bah iya pang, datang am sidin, (KEPADA GARBUS DAN AJUDAN) ni gara-gara buhan ikam bagawian kada becus.

KEMBALI KE PADUKA DIDEPAN RUMAH

Paduka             : bukai kada, amun kada dibukai lawang nih ku bungkas nah. Naahhh dasar kada mambukai leh, ayuha mun kaya itu, (MENGAMBIL ANCANG-ANCANG) satu.. dua.. tiga.. (MENDOBRAK PINTU DAN BERHASIL MASUK)

Palui                : (TERKEJUT) kaka palui?

Garbus             : (TERKEJUT) paduka palui?

Paduka             : (KEPADA GARBUS DAN AJUDAN) oohhh.. sudah ku tangguh buhan ikam batiga nih ada kerjasama lawan adingku, (KEPADA GARBUS) garbus, talalu ikam nih lah mahianati aku, kita tuh matan lagi halus sudah bakawan, tapi kanapa ikam kaya ini, gasan duit haja kalo? Pantas ai ikam hari ini pina lain lah, sakalinya dasar sangaja gasan malalambati aku, talalu ikam garbus lah. (KEPADA AJUDAN) buhan ikam badua jua, buhan ikam tuh sudah ku tangguh urang nang sama pas jadi perampok, bancir wan pengemis tadi kalo? Buhan kam kira kawa kah mangalahakan aku SI PALUI TUHA hah? Kada bataha kawa, palui dilawan. (KEPADA PALUI) ding, aku handak bapandir lawan ikam, SURAT KUASA nang ku bari gasan ikam tuh kucabut, kada jadi aku memberikan kakuasaanku lawan ikam.

Palui                : kanapa maka kaya itu? Ikam jangan buruk sikuan kaya itu imbah mambari diambil pulang, ku kada hakun. Sudah lawas aku handak manggantiakan ikam, aku tuh uyuh sudah ada dibalakang ikam, jangan samantang kita nih KAMBAR ikam mamanfaatkan aku sabagai pengganti haja bila ikam auran, uyuh aku tahulah ikam, aku gin handak jua maatur atur, kada diatur atur tarus, samantang ikam tuh kakaku lalu ja sakahandak ikam, matan lagi halus aur ikam haja nang disayangi mama, aku? Mana suah, aku pasti dapat sisanya haja, kaya itulah ikam lawan ading ikam hah?

Paduka             : cuba danganri aku ding, kaina ada haja wayahnya ikam managganti akan aku, tapi kada nang kaya ini caranya, mun kaya ini caranya itu sudah manyalahi system nagara kita DEMOKRASI, habis akan hulu masa jabatanku hanyar ikam mancalon, liatakan haja masyarakat nang mamilih, bilanya masyarakat katuju, ikam pasti dipilihnya

Palui                : kada harapan masyarakat mamilih aku, aku nih kada pintar kaya ikam, aku nih kada harat kaya ikam, aku nih panyarikan, aku nih pangarasan, egois, mata duitan, mana ada urang hakun baisi pamimpin nang kaya aku nih

Paduka             : barataan tuh kawa diubah ding ai, kita nih kambar, aku kawa jadi kaya ini, ikam pasti bisa jua jadi kaya aku. Ikam ingat ai kalo napa jar pasan mama? Jar sidin mun handak jadi pemimpin coba pimpin hulu diri saurang, artinya kita tuh harus kawa mambaiki diri sabalum kita handak mambaiki nagara

Palui                : ahhhh.. pokoknya aku kada handak, aku handak jadi pamimpin wayahinian jua, jalas bakalahian, tatap ku lawani

Paduka             : nahhh am tasalah am mun kaya itu, gara-gara SURAT KUASA haja kita bahualan lah. ikam bila kada handak patuh jar ku, ku bongkar rahasia ikam lagi halus, ku umumakan disini kah sakira urang tahuan?

Palui                : bahhhh kada raminya heh kaya itu, jangan siiii.

Paduka             : ku umum akan kah bahwa ikam tuh suah tabahira disalawar pas sakulah bahari

Palui                : aduuhhh jangan siiiii… ayuha dah nah kada jadi barang aku marabut kakuasaan ikam, asal jangan ikam padahakan ja aib ku.

Paduka             : yaa kaya itu, manis jua hann..

Palui                : (KEPADA GARBUS DAN AJUDAN) ayyy buhan ikam mandagar kah tadi? Bah iya pang, siapa suruh buhan ikam bagana disini, bajauh sana, kami handak bapandiran

GARBUS DAN DUA AJUDAN KELUAR

IBU PALUI MASUK

Kuitan             : (BERSENANDUNG) palui anakku si kambar lain parangai, saikung pintar saikungya pangarasan 2X

Palui                : mama !

Kuitan             : (KEPADA PALUI) nak, ikam tahulah siapa nang manyuruh kaka ikam manggagalakan rancana ikam? Mama nak ai nang manyuruh, mama rasa ikam masih kada layak mamimpin nagara, karna ikam urangnya emosian, masyarakat ikam pasti kada katuju lawan ikam, rajaki urang tuh sudah ada nang maatur nak ai, kaka ikam jadi pamimpin karna rajakinya dasar disitu, ikam mambantu inya baarti rajaki ikam sudah disitu, nikmati ja nak ai. Lawan jua, mun handak jadi pamimpin tuh kada kaya ini caranya, bisa ai masyarakat nang mamilih siapa nang dikatujui buhannya. Jadi pasan mama gasan buhan ikam badua, tolong jangan bacakut, sadih mama malihat buhan ikam bacakut kayaini gasan barabut tahta. Ingati nak lah, ingati.

Palui                : inggih ma…

BLACKOUT

SELESAI