Handak Jadi Napa (Japin Carita)

Naskah Teater Tradisi Japin Carita

HANDAK JADI NAPA

Karya : Faisal Refki

8/05/2014

TOKOH:

Isul

Sugi

Fay

Reza

Windar

Ayu

Ode

Edo

Bu Sulis

Bu Nina

SINOPSIS:

“ kegelisahan mahasiswa tingkat akhir tentang skripsinya yang tak kunjung selesai dan selalu ditagih oleh orang tuanya karena terlalu asik dengan organisasi kesayangannya “

ISUL MASUK

ISUL               : (isul di telpon kuwitan) Assalamuallaikum, napa ma? Inggih, geh sudah digawi ma ai sadikit sadikit, geh insyaallah september sidang jar, habis tuntung acaranya ma ai, geh doa akan ja ma lah, waalaikumsalam.

FAY MASUK

FAY                : napa sul pina maram muha? Bakalahian pulang kah lawan pacar?

ISUL               : bakalahian napang, tadi mama ku manilpuni manakuni kayapa habar skripsi jar.

FAY                : ya kah, santai ai ai ai, jaka kita ka sekre nah bakawanan, nyata rami.

ISUL               : nah bujur banar asanak ai, ayo dah kita cuss.

FAY & ISUL KELUAR

AYU, ODE, EDO, & REZA MASUK

AYU               : ey ey ey, ca liati status ka Isul

ODE               : nang “otw halau-halau” tu kah?

AYU               : lain, ni nah, “kapan aku konsul?” jar sidin.

ODE               : Hahaha, hiih lah kasiannya sidin tuh, maka kawanan sidin sudah lulusan barataan kalo lah.

AYU               : ya am, kada kawa ai

ISUL & FAY MASUK

I & F               : Assalamuallaikum.

ALL                : Waalaikumsalam.

AYU               : ey fay.

FAY                : ey buy.

EDO               : sul, kapan konsul kah? Haha

ISUL               : hiih kam, aku di tilpuni mama ku tadi, pabila jua jar sidin di gawi gawi skripsi, jangan karamian di sekre jar sidin.

REZA             : bis tu pang napa jar kam?

ISUL               : ni pang manggawi ma ai jar ku, padahal hanyar judul hah.

EDO               : Allah, ya am badusta haja tarus gawian, ngalih ai sul lah mun sudah karamian tuh.

REZA             : santai ai ai ai ya lah sul, aku ni pang saangkatan wan Isul nih santai ha.

FAY                : ikam nih kada kawa di lawan za ai.

SUGI & WINDAR MASUK

S & W             : Assalamuallaikum

ALL                : Waalaikumsalam

SUGI              : Sul, pabila kita konsul nah, aku dicarii bu Nina dah kam nah.

ISUL               : ngul nya sidik, datang datang batakun konsul.

WINDAR       : dilajui ha sul ai di gawi, nyaman ku ganii kaina nah, aku BAB 3 dah nah, santai ha aku manggawi. Kam siapa garang dosennya?

ISUL               : bu Sulis kam. Sumbungnya nginih BAB 3 jar sudah, kawan nyar judul nah. Aija kaina ganii aku lah.

FAY                : ey, kita makanan nah ka balakang, lapar kam.

ALL                : aija.

SUGI              : nah mun anu kita habis makanan nih konsul ai lagi, datangi ka prodi ja langsung. Ganii kami Windar ai.

WINDAR       : tanang ha, jui dah kita makanan barang hulu.

SEMUA KELUAR

BU NINA & BU SULIS MASUK

BU NINA       : bu sulis, kayapa habar anak buah ikam si Isul tuh, ada jua kah sudah konsul wan ikam.

BU SULIS      : hari ini jar bajanji handak konsul, ku sayangi banar saikung tuh hah. Ikam pang kayapa habar si Sugianoor tuh jua?

BU NINA       : sama ai jua itu, bapadah hari ini jua jar.

BU SULIS      : bah cucuk banar nang badua tuh.

WINDAR, ISUL & SUGI MASUK

WINDAR       : nah, bilanya buhan kam di takuni macam-macam ullih dosen, buhan kam hiih akan ja tarus lah.

I & S               : sip sip sip sanak.

SUGI              : kam badahulu sul masuk.

W, I & S         : Assalamuallaikum.

BN & BS        : Waalaikumsalam.

BU NINA       : masuk masuk, buhan ikam badua ni lah lawas banar konsul, kanapa grang maka lambat, pacaran haja kah tarus.

S & I               : inggih

BU SULIS      : buhan ikam nih kada handak lulus kah jua kaya kakawanan ikam?

S & I               : inggih.

BU SULIS      : dah ai kaluar ai buhan ikam mun kada handak lulus.

ISUL               : ai kanapa bu?

BU SULIS      : jar ku buhan ikam kada handak lulus kah, inggih jar buhan ikam. Dah ai tu.

SUGI              : eh kada bu ai, maksudnya inggih handak lulus jua.

BU SULIS      : ih kalo ai, mana ampun ikam Sul, sini nah ku lihati akan dulu.

BU NINA       : ampun ikam pang Sugiannor mana?

BU SULIS      : kanapa gerang maka lambat hanyar konsul buhan ikam badua nih? Aku tahu ai buhan ikam nih ada jua baisi organisasi kampus, karamian kah disana?

ISUL               : geh bu ai, lun ada tanggung jawab disana jadi panitia ini itu bu ai.

BU NINA       : iya lah, kada baramian haja lah buhan ikam disana?

SUGI              : geh bu ai karamian, opss keceplosan.

BU NINA       : nah iya kalo, buhan ikam di kampus nih handak beapa gerang, kuliah kah apa?

I & S               : kuliah bu ai.

BU SULIS      : nah makanya, umpat organisasi ini itu tuh boleh boleh ja, asal jangan kada ingat tujuan buhan ikam kuliah nih gasan apa.

I & S               : geh bu ai.

BU NINA       : makanya, KULIAH TUH JANGAN BARAMIAN HAJA.

SELESAI