Misi 7 Hari

MISI 7 HARI

Faisal Refki

14/03/2017

TOKOH :

PALUI

AMAT

GARBUS

TULAMAK

SALES 1

SALES 2

SALES 3

PALUI BULE

PETUGAS RUMAH SAKIT

MC

SINOPSIS

BABAK I

Mc                   : actor pria terbaik jatuh kepada…. Tokoh pemuda pada naskah Café….

Amat               : (amat naik panggung)

BLACK OUT

(amat guring lalu dimimpii palui)

Palui                  : eyyy,,, selamat ikam sudah jadi actor terbaik samalam, aku handak minta tolong wan ikam, mun  ikam kada hakun ikam ku ganggu tarus tiap malam, karna ikam actor terbaik wan jua ikam kabalujuran mandiami bakas rumahku, aku handak ikam mambantui aku memecahkan rasa panasaranku, aku nih mati gara-gara mal praktek dirumah sakit, makanya aku handak menindak lanjuti kayapa nasibku nih, aku kada tanang di akhirat nah, penasaran aku,  tu segala berkas ada dibawah tilam nang ikam guringi, ikam ku bari jatah saminggu gasan memecahkan masalahku nih, amunnya kada, hidup ikam kada tanang jua sama wan aku, kaina ikam carii garbus wan tulamak di taman, mulai bangun isuk ikam sudah jadi napa nang kuhandaki, aku tiap malam datang tarus ka mimpi ikam gasan maninjau perkembangan ikam. Kaina bila misi sudah tuntung aku pasti manampak akan wujudku. Sudah gin lah, isuk pulang aku mandatangi ikam di mimpi mamadahakan kayapa caranya, ni hari handak subuh dah, sadang bangun, aku handak babulik hulu, tarimakasih.

(amat bangun imbah mimpi buruk lalu bagagai ka bawah tilam mancari berkas, dan menjadi seperti apa yang diinginkan si palui)

BABAK II

Amat                 : mana leh nang ngaran garbus wan tulamak nih, ngalihnya mancarii, satangah harianan dah aku baranai ditaman nih asa kadada malihat urang badua ditaman nih.

(kada lawas masuk Sales dua orang)

Amat                           : nah, ni ada pang urang badua, tapi babinian kaduanya, asa kada mungkin pang nginih garbus wan tulamak, tapi baik ku batakun pang hulu kalo ai buhannya ada malihat garbus wan tulamak.

(amat mamaraki nang badua tadi)

Amat               : cil.. umpat batakun cil lah..

Sales 1             : handak batakun roko kah ka?

Amat                           : kada cil ai, handak batakun buhan pian ada lah malihat urang badua, nang saikung kurus nang saikungnya lamak

Sales 2                         : nah asa kadada talihat pang tadi, mun roko ada ai nang kurus wan nang lamak, handak kah pian ka?

Amat                           : ulun kada batakun roko cil ai, roko ulun saurangan gin lamak ai jua. Bujuran kada malihat kah buhan pian cil?

Sales 1             : hiih kadada malihat kami nah, pian kada handak nukari roko kami kah ka?

Amat               : ulun kada bisa baroko cil ai, marokoi ja bisanya cil ai hehe

Sales 2                         : hmmm pian nih bisa banar ka ai, pian nih kada bisa baroko kah atau kdd baduit kah gasan nukar roko?

Amat                           : sabujurnya ulun nih kd tabawa duit cil ai gasan nukar roko, bisa ai sabujurnya baroko, kaya ini haja nah, ulun minta no hp buhan pian, kalo ai ulun kaina ada handak nukar roko jadi tinggal mahubungi no pian ja lagi.

Sales 1             : ayuha mun kaya itu, tapi nih bujuran nukar kalo kaina?

Amat               : inggih cil ai janji

(sales memnerikan no hp ke amat)

Sales 2             : ayuha lah, kami handak bajalan lagi nah mancari mangsa. Daahhh..

Amat               : dahhhh…

(sales keluar panggung)

Amat                           : malaran dapat nomor hp buhan sales roko, kawa kaina malam manalipuni wkwk.. aduhh.. mana kah nang ngaran garbus wan tulamak ni lah, 3 hari sudah nah bacari buhannya kada tatamu ja lagi, maka dibari jatah saminggu ja pulang gasan menyelesaikan misi nih, haduhh ai, baik bulik ha hulu nah, sanja dah, isuk pulang nah bacarian, mudahan tatamu haja.

(palui kaluar)

BLACK OUT

(Garbus & tulamak masuk)

Garbus                        : mak, kayapa kita nih, ni sisa 3 hari ja lagi mak ai nah gasan manyalasaikan misi, palui haja balum tadapat lagi nah

Tulamak          : iya am nah, nang mana garang paluinya nih? Maka disuruh batamuan ditaman jar..

(seseorang masuk)

Garbus                        : mak, mak… tu ada urang mak ai, pinanya itu tuh palui mak ai, lakasi nah kita datangi..

(mandatangi orang tersebut)

Garbus             : parmisi tuan lah,, pian ni iyalah nang bangaran palui?

Palui bule        : bujur banar, saya palui.. kalian siapa?

Tulamak          : eee kami nih tulamak wan garbus, kita nih sudah ditakdirakan gasan batamu disini

Garbus                        : (manarik tulamak) mak, aku asa kada parcaya mak ai inya nih palui, cuba pang kita takuni misi kita, mun inya palui asli inya pasti tahu napa misi kita.

Tulamak          : nah bujur banar bus ai, kasi kita takuni. (tulamak manakuni palui bule) lui, kam tahu ai kalu misi kita nih handak meapa?

Palui bule        : tahu banar saya, misi saya adalah mengambil rempah-remah yang ada di loksado, mengambil resep gangan karuh, masak habang, papuyu babanam gasan saya bawa ke belanda hahahaaaa

Garbus                        : nahh iya am mak ai, ni pinanya palui belanda nang di acara palui sedunia samalam, inya nih gila mak ai gara-gara handak jadi palui.

Tulamak          : nahhh kapuhunan am kita bus ai tapandiri urang gila,,, baik bajauhan gin kita bus ai…

(garbus & tulamak meninggalkan palui bule)

Palui Bule       : saya lah palui sebenarnya hahahaa, sayalah pemenangnya yang berhak menjadi palui sedunia hahhaaa… (palui bule teriak-teriak sambil meninggalkan panggung)

BLACK OUT

Amat                           : haduhh ai,, kamana garbus wan tulamak ni lah.. maka jar di taman nih pacangan tatamunya, aku maka am diganngui tarus dimimpi, maka sisa 2 hari ja lagi.. mudahan hari ini tatamu haja nah..

(garbus & tulamak masuk)

Garbus             : mak, kayapa kita nih, sisa 2 hari ja lagi mak ai nah…

Tulamak          : hiih bus ai nah, aku barapa hari nih ditagih tarus dalam mimpi, kada karuan guring aku bus ai.

Garbus                        : sama ja jua mak ai, asa bakurus aku kada taguring tarus tiap malam. (garbus malihat palui) mak mak,,, tu ada urang mak ai,, kalu pina inya tuh nang bangaran palui mak ai…

Tulamak          : uuu hiih lah,, ayu pang kita datangi..

(garbus & tulamak mandatangi amat)

Garbus             : assalamuallaikum..

Amat               : waallaikumussalam,,,

Garbus             : pian nih iyakah nang bangaran PALUI?

Amat               : hiih, aku palui, buhan ikam Garbus wan Tulamak kah?

Tulamak          : bujur banar,, Alhamdulillah tadapat jua akhirnya…

Garbus                        : (manarik tulamak) hadang hulu mak, iya garang ngini paluinya? Kalu pina kaya samalam banarai tadapat urang gila, kita takuni hulu bujur lah misinya sama wan kita.

Tulamak          : bujur bus ai, hadang aku manakuni, (manakuni amat) lui, ikam tahu ai kalu napa misi kita nih.

Amat                           : tahu banar, kita nih dimimpii gasan batamuan disini disuruh gasan memecahkan masalah sidin, kita diberi waktu 7 hari, tapi nih sisa 2 hari ja lagi, kayapa kita nih?

Tulamak          : (kepada garbus) bujur baarti bus ai misinya sama wan kita, kada salah lagi ni baarti palui jua ai nih.

Amat               : uyyy kanapa maka babisikan, tasinggung aku nah

Garbus                        : kada lui ai, langsung haja nah kita laksanakan misi kita, berkasnya ada wadah ikam kalu lui?

Amat                           : hiih nih ada wan aku, kita nih disuruh minta kejelasan wan tanggung jawab dari pihak rumah sakit kalu tentang kematian sidin tuh

Tulamak          : hiih lui ai, mana garang berkasnya aku handak malihat.

Amat               : (malihatakan berkas)

Garbus                        : amun kaya itu lakasi dah kita ka rumah sakit, kikira malam nih bukaai kalu masih rumah sakit? Waktu kita sisa mala mini ja lagi, lakasi dah…

 Tulamak         : lets goo !!

(amat cs ke rumah sakit)

BLACK OUT

Garbus                        : ehh lui hadang hulu aku handak batakun, kanapa garang maka ikam nang disuruh sidin?

Amat                           : jadi kaya ini nah buhannya ai, aku tuh kabalujuran mandiami bakas rumah sidin, imbah tuh ditambah pulang aku nih dapat actor terbaik, makanya aku nang disuruh sidin nang manurut sidin mampu manggawinya. Buhan ikam pang kanapa maka disuruh batamu wan aku?

Garbus                        : jadi kaya ini nah lui ai, kami badua nih sabujurnya kawan lawas wan sidin tuh, jadi pas sidin garing, kami badua ni pang nang maurusi sidin.

Tulamak          : hiih lui ai, matan mambari makan, mamandii, sampai urusan dirumah sakit nih lui ai, maras haja pang sidin tuh garing kada kawa bagarak lagi.

Amat               : uuhh,, jadi buhan ikam kah sakalinya, mungkin gasan jadi saksi pinanya lah..

Garbus & tulamak       : hiih lui ai,,,

Amat               : lajui dah kita masukan..

(masuk ka rumah sakit)

Amat               : assalamuallaikum..

Petugas RS      : waallaikumussalam,, ada yang bisa kami bantu pa?

Amat                           : jadi kaya ini nah bu ai, kami  nih handak minta pertanggung jawaban dari pihak rumah sakit atas meninggalnya saudara kami.

Petugas RS      : aii,, meninggalnya kenapa pa?

Amat               : kisahakan bus (manyuruh garbus)

Garbus                        : jadi kaya ini nah bu lah, kami tuh sebagai urang nang jadi saksi, sidin tuh meninggal gara-gara mal praktek bu ai

Petugas RS      : maksudnya mal praktek apa ya pa?

Tulamak          : jadi sidin nih maninggal gara-gara keracuan obat bu ai, nah obat nang diberi dokter tuh baarti salah bu ai.

Petugas RS     : pian yakin lah sidin tuh meninggal gara-gara karacunan obat? Sudah di otopsi lah pa?

Garbus                        : yakin banar bu ai, napa lah imbah minum obat nang di resep dokter tuh muntung sidin langsung babuihan, kada lawas maninggal ai lagi sidin bu ai

Tulamak          : mun masalah otopsi tuh kami kada tahu bu ai, kami ni urang kampong kada tapi paham nang kaya itu tu wan jua kahandak kaluarga sidin tuh handaknya lakas-lakas dikubur haja bu ai.

Petugas RS     : nahh,, seharusnya di otopsi dulu pa ai sekira jelas apa nang maulah sidin meninggal. Pabila garang sidin tuh maninggalnya?

Amat               : mun kada salah sudah satahun bu ai..

Petugas RS     : umayy,, satahun sudah hanyar ja lah pengaduannya? Jakanya sahari dua hari pa ai kawa haja kami menindak lanjutinya

Amat               : kayapa pang lagi bu ai, sidin hanyar haja jua bapadah

Petugas RS      : maksudnya hanyar bapadah kayapa?

Garbus                        : jadi sidin tuh mamadahinya lewat mimpi bu ai, hanyar saminggu nih sidin mahabari, jadi mun kada ditindak sidin maancam pacangan mangganggu kami tarus bu ai.

Petugas RS      : astaga, kada masuk akal banar mun kaya itu kisahnya..

Amat                           : kayapa nah bu, tolongi pang nah sakira sidin tuh tenang di alam sana, kami tenang jua.

Petugas RS      : masih ada lah berkas sidin bahari?

Tulamak          : tampai akan lui berkasnya…

Amat               : (menunjukkan berkas ke petugas RS)

Petugas RS     : (melihat isi berkas) ulun handak batakun pa lah, siapa nang manukarakan obatnya nih?

Garbus             : kami badua nih bu ai (manunjuk tulamak)

Petugas RS      : buhan pian nukar obatnya dimana?

Garbus             : kami nukar obatnya di pasar lima bu ai

Petugas RS      : nah iya am… obat napa nang pian tukar?

Tulamak          : obat nang kami tukar tuh mun kada salah baca bu ai (menyambati obat-obat nang kada wajar)

Petugas RS      : nah tasalah am.. pian pas nukar obat tuh pian julung lah resepnya ka tukang jual obat tuh?

Garbus             : kada kami julung bu ai..

Petugas RS     : nah iya am, pian tahulah obat nang pian tukar tuh tasalah pa ai, kada sasauai wan nang tatulis di resep dokter tuh, makanya bila handak manukar obat resep barian dokter tuh harus ka apotik wan jua harus dijulung resepnya wadah tukang jual obat tuh, inya biasanya pa ai tulisan dokter gasan resep tuh ngalih dibaca, kawanya dibaca oleh petugas apotik ja pa ai..

Amat                           : nah iya am, baarti nih kasalahan buhan ikam badua garbus wan tulamak ai, kada salah buhan rumah sakit.

Tulamak          : bus, baarti nang mambunuh inya tuh kita badua bus ai nang tasalah manukar obat, iya am nah…

Garbus             : iya am mak ai, rasa basalah banar am aku mak ai wan inya…

Amat                           : ayuha bu aim un kaya itu kami parmisi ai nah, maaf amunya kami ada tasalah bu lah..

Petugas RS     : inggih kada papa pa ai, kami turut berduka cita jua atas meninggalnya kawan pian, kaina kaina bila handak manukar obat tuh jangan lagi sambarangan pa lah..

Amat Cs          : inggih bu,, assalamuallaikum..

Petugas RS      : waallaikumussalam…

(amat Cs meninggalkan rumah sakit)

(diluar rumah sakit)

Amat                           : nahh,, tahu kalu sudah kanapa penyebab inya maninggal tuh, inya maninggal lain marga mal praktek nang diulah pihak rumah sakit, malainkan gara-gara buhan ikam nang tasalah manukar obat, saran aku buhan ikam banyak-banyak minta ampun gin lawan inya sakira inya tanang jua di alam sana.

Garbus                        : hiih lui ai, kami kada tahu mun kami tasalah manukar obat, mudahan ai inya hakun maampuni kami badua..

Amat                           : ayuha dah, nang panting misi kita sudah tuntung, mun masalah inya maampuni atau kada tuh urusan buhan ikam ja lagi wan inya. Aku handak bulik ai lagi nah istirahat, uyuh samingguan manuntung akan misi nang kada bapaidah ni ja, akhirnya kawa jua guring janak,,, barelaan barataan lah..

(kada lawas timbul sosok palui nang asli)

Palui                : eyyy buhan ikam…

All                   : palui…

Garbus                        : ampun lui,,, maaf kami kada sangaja maulah ikam karacunan sampai ikam maninggal lui ai…

Tulamak          : hiih lui ai,, kami minta ampun lui ai,,  kami kada bamaksud kaya itu lui ai..

Palui                            : ayuha kada papa mak ai bus ai, mungkin sudah takdirku maninggal gara-gara karacunan obat, nang panting aku sudah tahu napa nang maulah aku maninggal, akhirnya aku kawa tanang di akhirat. (kepada amat) mat,, makasih banyak mat ai ikam hakun manulungi aku, maaf amunnya aku maulah ikam kada karuan guring tiap malam, ikam nih kapuhunan haja mat ai marga ikam banarai mandiami bakas rumahku, tambah jua ikam actor terbaik makanya ikam kusuruh manyamar sabagai aku karna aku anggap actor terbaik kaya ikam nih kawa memrankan jadi tokoh aku mat ai, dan ikam berhasil mat ai, mulai wayahini buhan ikam kawa dah guring janak, barelaan kita..

Amat                           : hiih kada papa lui ai, aku batarimaksaih jua gasan ikam, aku banyak dapat pelajaran dari kejadian nginih. Hadang lui aku umpat batakun, buhan garbus wan tulamak nih ikam mimpii jua kah?

Palui                            : iih mat ai, aku mamimpii buhannya badua nih gasan mambantui ikam pang, jakanya berkasku kada wan ikam kada bataha aku meanui ikam, naik aku manyuruh buhannya badua nih.

Amat               : uhh kaya itu kah lui…

Palui                : ayuha sudah, aku handak bulik hulu nah ka alam ku, dadahhhh…

All                   : dadahhh palui….

SELESAI