SAKULAH SEKEM?

 

JUDUL : SAKULAH SEKEM?

Karya : Angkui Kurniawan

 

Andra : Aku muyak ih sakulah nih Kam. Rasa kada semangat lalu aku, hari hari bahitung ja gawian kita. Mana pang Kawa beduit Mun kayatu..

Raisa : Ih ai Ikam nih... Sakulah tuh pang yg meolah kita kena Kawa beduit. Maulah Ikam jua kada gampang di dustai urang.

Andra : Hari hari aku sekolah kadada ai dapat duit lawan rancak aj di dustai.

Raisa : Nitu karena Ikam koler belajar. Mengkanya jar ku belajar nah lawan aku lawan jua Ica.

Ica : Hah Napa?

Raisa : Ini jua sebuting Mun kada sekrol Tiktok Nonton Yutub ja heh gawian.. Ikam percuma ai kita nih kisah belajar Mun kalinya Mayutub lawan Mesekrol tiktok jua pas belajaran.

Andra : Gasan apa jua garang kita belajar persegi, kotak, segi tiga, empat , lima, enam di langit yang biru tuh. Kada tapakai jua gasan kita begawi kena. Pintar aja dah aku nih.

Raisa : Kisah Tahu ngene, Ikam ja behitung angsulan Masih salah rancak tuh pas menjagakan warung kuitan Ikam.

Ica : Eh buhannya, lihati rami banar te kisah kripto kripto nih, kada usah beapa apa dapat banyak duit jar.

Andra : Bujur jua kah ? Malihat pang..

Andra : Nah Mun kayani hakun banar aku main kripto kripto nih nyata banyak dapat duit.

Raisa : Habis, buhan Kam nih. Kita tuh kada paham masih kayapa sistem duitnya, kalo Pina dustainya jua.

Andra : Halah ai, Ikam nih terlalu kampung banar pamikirannya ..

Raisa : Heh, tesarah Ikam ja dah. Aku handak bulik... Assalamualaikum..

Andra dan Ica : Walikumsalam

Ica : Lihati Andra ada urang jar nyambat sekolah tuh Sekem wara jar, alias kaya menipu kita wara sekira mengeluarkan duit gasan pendidikan.

Andra : Bah berarti selama ini kita di dustailah.. Mun kyatu baik ampih ja dah aku sekolah Mun kayani caranya.

Ica : Tapi kada balelabih lah nyambat sekolah tuh penipuan, Mun kada sekolah bisa kada pintar kena kita jadinya.

Andra : Bah, baya pengetahuan tuh Kawa ja kita nyari di Gugel, lawan jua kita gampang ja belajar behitung. Di rumah gin Kawa kita belajar behitung.

Ica : Kam ja behitung masih belum ru us, sekolah dah to padahal ... Dah gin ampih dah melihati berita di tiktok nih. Aku handak bulik nah, Assalamualaikum...

Andra : Ai, beimbai dah...

Andra dan Ica pergi meninggalkan panggung, kemudian masuk Bu Sulis.. ( Orang tua dari Andra) sedang menunggu Anaknya sambil berjualan di warung.

Bu Sulis : Mana jua kah si Andra nih, lawas banar bulik, Jaka kah lakas sekira Kawa menjagai warung nah. Maka banyak banar masih gawian di dapur Balum Taurus..

Andra memasuki panggung.

Andra : Assalamualaikum, ma..

Bu Sulis : Walaikumsalam, nah bulik dah si bujang ngene. Lawasnya bulik..

Andra : Biasa ma ai, Ulun lagi bemainan lawan buhan Ica Raisa.

Bu Sulis : Ayu ai nah, lakasi dah Ikam jagai warung.. mama handak begegawian dulu di rumah .

Bu Sulis memasuki rumah, meninggalkan Andra sendirian menjaga warung. Beberapa saat ada 3 orang anak perempuan dengan dandanan gaul mampir ke warung.

Marni : Assalamualaikum...

Andra : Walaikumsalam... Urang Hanyar kah di kampung nih?

Murni : Kada pang, kami nih lalu ja. Mendatangi keluarga kami di sini, bejejalanan banar ai handak mewarung kami.

Andra : Uh iyakah..

Mirna : Lihati, naik dah harga karipto ampun ku.

Andra : Napa itu yang di mainkan?

Mirna : Hah, ini kah? Ini nih Karipto, sakira Kawa dapat duit kada usah bagawi.

Andra : Kawakah kayatu, sugih kada usah begawi?

Murni : Bah, Kawa banar. Kami nih pang adalah begawi.

Andra : Buhan Kam pang sekolah lah jua?

Marni : Napa itu sekolah? Kadada sekolah kami. Kami nih...

Murni : Ai, di kiau kita gasan bulik, mama man chat sudah te.

Mirna : Nah, iyakah? Ayu dah bulik kita.

Murni : Minta nomor Pian bolehlah?

Marni : Heh, kekijilan ngene. Kanakan masih kada usah kisah membawai pacaran. Bulik dah. Assalamualaikum..

Andra : Walaikumsalam

Mirna, Marni, Murni meninggalkan panggung.. menyisakan Andra yang sendirian di warung lagi.

Andra : Buhannya Kawa te dapat duit kayatu wara, harusnya aku Kawa jua pang Mun kayatu. Tapi kayapa lah caranya, haduh kada sawat betakun ih aku tadi.

Munculah orang misterius berjaket hodie sambil duduk di warung.

Burhan : Assalamualaikum...

Andra : Walaikumsalam... Siapa Yo?

Burhan : oh, ini ngaranku Burhan.

Andra : Kaya maling pakaian Pian..

Burhan : Bahapal ngene, kayani kayani aku nih pengusaha.

Andra : Pengusaha apa jer?

Burhan : Pengusaha, Karipto.

Andra : Karipto? Uhhh yang Kawa meolah urang sugih tanpa begawi lawan sekolah tuh kah?

Burhan : Nah, bubur sedikit janar.

Andra : Bujur nya sedikit banar berarti?

Burhan : Eh, kada kayatu.. nah jadi barhubung kayaknya Ikam sudah tahu nih apa itu Karipto. Berarti Ikam tertarik lah jua jadi member kami?

Andra : Bujur jua kah nih? Ajin penipu Pian nih..

Burhan : Nah kada percaya. Malihatlah Kanakan be 3 tadi nah Pina mewah banar pakaiannya. Nah itu member kami katiganya.

Andra : Bebujang?

Burhan : Bujang banar. Handak melihat kah?

Andra : kada, maksudnya bujuran kah?

Burhan : Jar urang bujur banar, 100% Original .

Andra : kayapa caranya jadi member?

Burhan : Nah, caranya gampang, Ikam tinggal bayar administrasi pendaftaran, sebanyak 1 juta rupiah.

Andra : Uma, kadada duitnya Mun saitu.

Burhan : iyakah, ayuja karena hari ini adalah hari Rabu, Ikam berhak dapat diskon 50% jadi bayar 500 ribu ja kayapa?

Andra : 100 ribu ja gin lah.

Burhan : Uma kapapurunan, ini nih lain amal pang. Ini nih supaya Kawa ajid member resmi, Mun seratus ribu wara jadi member setengah setengah ai Ikam.

Andra : Ayuja dah, kena Ulun carii dulu duitnya. Siapa tadi ngaran Pian?

Burhan : Burhan Antariksa Galaksi Bima Sakti.

Andra : Tema Galaksi banar Leh ngaran.

Burhan : Nah ini nomorku Mun Ikam sudah ada duitnya hubungi ja, ayujalah Asalamualaikum...

Andra : Walaikumsalam...

Burhan meninggalkan panggung, kemudian Bu Sulis memasuki panggung.

Bu Sulis : Sapa tadi tuh, Pina rami bepandiran?

Andra : Urang ma menawari Gawian.

Bu Sulis : Gawian nangapa, Halus masih Ikam kada usah tapi di dangari, dustainya wara tuh.

Andra : Ma, Ulun handak ampih ja sakulah ma ai.

Bu Sulis : Heh, nangapa pulang ampih sakulah, karasukan Napa Ikam...

Andra : Tapi ma ai, banyak dah yang nyambat jar, sakulah tuh Sekem.

Bu Sulis : Nangapa pulang Sekem tuh? Kada mangarti nah..

Andra : Nah Pian nih pang ma ai, jarang malihat berita di Tiktok. Kita nih kada perlu yang ngarannya sakulah, banyak ai urang sukses ma ai kada besekolahan...

Bu Sulis : Nang itu dasar rajaki Inya Nang ai, mun Ikam yang kayani kisah meumpati buhannya kada bakalan sampai, Ikam ja mahitung belum ru us masih, rancak rugi mama ikam salah tarus membari urang angsulan... Pokoknya kada usah aneh aneh Ikam. Kada usah tapi mendangari berita aneh di tiktok tuh.

Andra : Ma, minta 500 ribu pang ma, Ulun handak umpatan Karipto?

Bu Sulis : Napa Pulang neto, pasti Kam di hasut urang tadi, kada.. kada mama barii kada usah aneh aneh Ikam. Sana dah tutup warung.

Bu Sulis masuk ke dalam rumah, kemudian Andra yang marah akhirnya mengambil semua uang yang ada di warung kemudian menutup warung tersebut sambil meninggalkan panggung. Latar berubah ke esokan harinya. Memperlihatkan Bu Sulis yang sedang menyapu halaman rumah. Kemudian Masuklah Ica dan Raisa.

Ica dan Raisa : Assalamualaikum...

Bu Sulis : Walaikumsalam... Nah mana Andranya Tumben kada beimbai?

Raisa : Hah, maka Andra yang kada turun sakulah, kami am cil ai ke sini handak menjenguk kalo ai garing Andranya.

Bu Sulis : Hah, tadi Inya bepadah sakulah jar... Nah kamana urnagnya, kabur kah pada rumah?

Raisa : Hah, aduh kayapa ini?

Ica : sabar sabar, kita cari gin begimitan urnagnya ..

Bu Sulis, Ica dan Raisa mencari Andra, kemudian Andra memasuki panggung dengan uang receh di plastiknya. Kemudian datanglah Burhan.

Burhan : Nah, akhirnya Ikam sudah maulah kaputusan tepat, mana nih duitnya?

Andra : nah duitnya, bujuran Lo nih jadi member dah?

Burhan : nyata ai bujuran, nah Ikam silahkan tunggu 1 kali 24 jam kena Ikam akan segera dapat kabar baik dari aku...

Andra : ayuja, Ulun hadangi.

Burhan meninggalkan panggung, kemudian Ica, Raisa dan Bu Sulis memasuki panggung.

Bu Sulis : Nah kamana aja Ikam, kada sakulah kah tadi hah? Bauntung banar heh Ikam nih!

Raisa : Di carii guru tahulah Ikam tadi, kadada lalu keterangan kenapa kada turun...

Ica : Bujur...

Andra : Bujur bujur, dangari Ulun ma, Ulun rasa kada handak lagi sekolah handak jadi pengusaha aja Ulun, handk pokoknya kada usah kada urang urang yg slaang sekolah dulu hanyar Kawa sukses. Banyak ma ai rumah sukses kada usah sekolah, buktinya ada sudah.

Bu Sulis : mana buktinya?

Mirna, Murni, Marni memasuki panggung, mereka melewati gerombolan Andra.

Murni : Nah tetamu lagi ganteng.

Andra : Nah, coba takuni buhannya ma ai, buhannya kada usah sekolah kada usah begawi Kawa dapat duit...

Mirna : Nyata ai, kan kami di bari kuitan kami duit. Kami gin masih halus mana di bolehi begawi.

Andra : Hah, tapi buhan Kam kada sekolah Lo.

Marni : iya bujur, tapi kami belajar di rumah wara, semalam kami sempat handak di culik urang pang sekolah, jadi kami di suruh sekolah di rumah aja.

Raisa : Hum Sekuling kah?

Marni : Nah, bujur banar.

Andra : Tapi buhan Kam Main kripto lawan jar buhan Kam be 3 membernya si Burhan Antariksa Galaksi Bima Sakti.

Murni : Sapa neto, kada kenal kami ditipu Lo Ikam ajin.. lawan jua Nitu Inya iseng banar ai main neto.. kadada ai jua untungnya, duit belanja jua habis kekayatu wara jara jua dah Inya main.

Andra : Ma , katipu Ulun ma ai!!!

Bu Sulis : Nah Han, bujur Lo.! Makan duit warung lah yg Ikam pakai? Mangkanya jar mama hati hati...handak kisah ampihlah sakulah. Nah dangari lah buhan Kam seberataan, Memang bujur sakulah tuh uyuh, memang bujur manfaat sekolah tuh belum berasa banar gasan sekarang... Tapi ingati, sakulah tuh kada cuman tentang becari ilmu, di situ jua kita membentuk karakter, belajar berpikir kritis, belajar bersosialisasi, lawan membuka wawasan kita dari guru. Ini tuh pang pentingnya pendidikan... Dasar bujur pendidikan kita masih kurang, tapi kaliru jua buhan Kam Mun kada sekolah lalu, pacangan gampang banar buhan Kam di bunguli urang, kaya Andra nih pang contohnya... Pahamlah!

Semua : Inggih Paham..