SALAH KAPRAH

 

Salah Kaprah (Japin Carita-Naskah Pemantapan Ratu Zaleha)

(Ungah, Sari, Pembakal, Bini Pembakal, Dukun, Tuyul 1, Tuyul 2, Izo, Imel, Sandra, Ustazah, Saidah)

Ungah dan Sari memasuki panggung, keduanya membicarakan masalah hidup yang masih miskin.

Ungah : Umanya, kenapa leh kita nih hidup kekaya ngini ja.

Sari : Harusnya ulun abahnya ai yang betakun kayatu, pian ni nah matan bahari ja gawian kada mangaruan. Kena mangaluh, coba pian tu nah jua cari gawian yang bebujur, jangan maunjun ha tarus gawian.

Ungah : Uma ai, ikam nih umanya ai. Aku nih tahu ja lo ikam baya lulusan SD wara, tu gin sampai kelas 5 haja.

Sari : Kalas 6 nya pang ke mana? Takait di unjun kah?

Ungah : Kada kayatu umanya ai, ngaran bahari tuh sakulah ja bebayar liwar larang kayapa handak manuntung sakulah, jadi am aku bagawi maunjun ja tiap hari sakira kawa dapat lauk gasan makan.

Sari : Iya am han, kaasikan maunjun iya sampai kada ingat tarus di hari kadap, bini am kalaparan di rumah. bebaya memamah pucuk gumbili wara lawan nasi putih heh, purun banar pian nih.

Ungah : Ngarannya gin ngalih bacari iwak umanya ai, pina lagi bukahan iwak pinanya.

Sari : Intinya ja nah abahnyalah, baik pian bacari gawian nang pasti ja gin. Kada kawa kita kyani tarus maharap hasil unjunan pian yang kada manantu tuh.

Ungah : Bagawi napa lagi aku umanya?

Sari : Banyak ai abahnya ai, bagawi membantui toko paman Lamsi kah barang. sekira ada jua pian gawian lawan ada jua duitnya.

Ungah : Tapi sidin tuh panyarikan umanya ai, baka mun sudah bakuciak alasan kaya klakson truk ja lagi.

Sari : Dari pada pian kayani tarus gawian baya maunjun wara.

Pembakal dan bini pembakal memasuki panggung.

Pembakal : Assalamualaikum…

Ungah&Sari : Walaikumsalam…

Pembakal : Kenapa nih pina behabutan peitihku tadih dari jauh.

Ungah : Biasa pembakalan ai, pembicaraan antara suami wan bini.

Bini Pembakal : Abahnya, lakasi kita bulik abahnya. Lapah membawa barang belanjaan banyak banar.

Sari : Abahnya ulun handak jua kayatu abahnya ai, bisa belanja banyak.

Ungah : Hadang dulu lah umanya, ( Menghampiri pembakal) Pembakal, kawakah kita bapandir 4 mata ja pembakal, ada nang handak ulun pandirakan lawan pian, penting banar.

Pembakal : Uhhh, kawa-kawa.. hadanglah umanya, aku handak bapandir dulu lawan ungah.

Ungah : ( Membawa pembakal agak jauh dari Sari dan Bini pembakal) jadi kayani pembakal ai, ulun nih handak betakun lawan pian. Kayapa caranya kawa menjadi urang sugih?

Pembakal : Jadi urang sugih? Uhhh, gampang banar itu… caranya tuh kayani (Bebisik) betakun lawan urang pintar.

Ungah : Batakun lawan urang pintar?

Pembakal : Nah, bujur itu… pokoknya pasti ikam kena tahu caranya.. ayuja aku handak belakas bulik nah, habut kena biniku… umanya, ayo kita bulikan..

Pembakal&Bini Pembakal : Assalamualaikum…

Ungah & Sari : Walaikumsalam…

Sari : Lihati abahnya, bini urang kawa betetukar barang-barang bagus, kita nih pabila kawa jua kyatu.. ulun muyak dah bahira tarus lawan urang.

Ungah : Tanang umanya ai, aku tahu dah cara supaya kita kawa dapat duit banyak kaya pembakal.

Sari : Ai, bujuran kah abahnya. kayapa jar caranya?

Ungah : Jadi caranya tuh, kita harus batakun ka orang pintar…

Sari ; Astaga abahnya! Sesat pepadahan pembakal tuh…

Ungah : Ai,