Palui Sedunia

PALUI SEDUNIA
Karya : Faisal Refki

(SUASANA PANGGUNG GELAP. KAI DARI LUAR PANGGUNG MENGGERUTU DAN CUCU PANIK DENGAN KEADAAN GELAP, SAMBIL MASUK KEDALAM PANGGUNG KAI MENYALAKAN LILIN)
Kai: aduhh napa pulang nih maka kadap. Tabulik kah KWH nya nih?
Cucu 1: napa maka kadap kai?
Cucu 2: heeh maka kadap banar nah kai’ae rasa horror timbul?
Kai : iya itu nih bubuhan PA’LN nyaman banar mamajahi lampu, padahal kita bayar haja jua. Mulai ahad samalam sudah pajah-pajah haja lampu nih. Rusakan sagala dispenser pun kai timbul cu’ae.
Cucu 1: kai ulun takutan (MEMEGANG TANGAN KAI)
Cucu 2: km nih panakutan banar lah, hedeh (ckckckck)
Cucu 1: km kada takutan kah? mun kada takutan sana gin katangah hutan sana. Tahu tu rasa. Weekkk!!
(CUCU 1,2 RIBUT BESAMBATAN)
Kai : ayuu...ayuuuuu...sudah...sudahh sadang, jangan tapi abut kalo dikira urang demo kena. Lawan jua kalo di ditaguk NI YAKSA. Kada takutan kah buhan km cucuku nang bungas langkar bauntung baiman batuah.
Cucu 1,2 : (HERAN???) NI YAKSA? APA NGITU kai? NANG MAKANAN BASANTAN TU KAH?
Kai: lain bauntung, baiman, batuah ae. Mun nang basantan tuh laksa ngarannya. Ni yaksa ngitu mun manurut arwah datu, (MUSIK HORROR)(KAI SAMBIL BAPANDUNG) Ni yaksa tuh susuk gaib, awaknya ganal tinggi basar, giginya curing, rambut panjang sampai ka buku lali, kukunya panjaaaaaaaaaaaaaaaangggggg kaya macan....!!!!!
Cucu 1: panjangnya saapa kai?
Kai : panjang pang, sampai ngalih mambayangakannya kai.
Cucu 2: muhanya pang kayapa kai, bungas lah?
Kai : mana ada bungas cu’ae. Muhanya tuh saraaaammmmm banar pang, kai haja kada sanggup mahayalakannya.
Cucu 1,2 : HHHMMMMMMMM.... BEGITU LEH? (MEMBAYANGKAN NI YAKSA DAN TERTAWA)
Kai : (MELIHAT KEARAH CUCU 1,2) napang cu? Lucu kah????!!
Cucu 1: hadang kai lah, hahaha. Mun ulun mambayangakan maka lucu kai.
Cucu 2: sama kai ulun jua. Hahaha.
Kai : nah tatinggal kai mamadahi Ni yaksa nih liwar katuju mamakan kakanakan halus, apalagi nang mahulut-hulut inya, pa ni yaksa nih mandangar bila inya lagi dipandirakan. Tuh inya yaatt...tuuhhh malihat lah cu...(MANUNJUK KAARAH PENONTON). Huaaaaaaa!! (MANGAJUTI CUCU)
Cucu 1: pian nih kai’ae katuju banar manakutani kami. Hikssss
Cucu 2: inggih katuju banar. Sedih kami timbul nah.
Nini: hehehe. (SAMBIL MEMELUK CUCU)
Cucu 1,2: (MEMICIK HP) nahhh ada dapat sinyalnya sudah.yeyeye!!
Cucu 2: apdet status dulu nah. “mati lampu hikss andaikan wongmin ada”
Cucu 1 : nah kaluar sudah episode hanyarnya. Mantaappp. (BERGAYA JADI ARTIS KOREA)
Kai: (HERAN MALIHAT CUCU) ayu cu sadang HP tarus nang di kujak. Sasadangnya haja micik hp tu banyak barita nang kada baik mun kita mamicik hp tarus, kada baik gasan kasihatan, gasan utak jua cu ae, dan banyak ae lagi habar-habar nang kada baik. Apalagi nang hanyar nih gara-gara hp bisa manimbulkan habar nang kada jalas nang bisa maulah parpacahan. Maka hakun dihukum mun tadapat pulisi manyabar habar nang manyalah tuh.
Cucu 1: owh inggih ada’ae samalam ulun malihat habarnya di TV inggih ulun ampih nah kai.
Cucu 2: ulun jua kai. Ampih nah.
Kai: bagus tu mun paham cu’ae. Baik mandangarakan kisah kai nah. Ay, tapi sabalumnya biasa lah uma wan abahmu mangisahakan kisah-kisah lawan buhan pian badua nih cu?
Cucu 1,2 : (GELENG-GELENG)
Kai: hmmmm, pantas ae. Ni kai nih handak bakisah parigal si PALUI
Cucu 2: kai nih bakisah tantang palui tarus!
Cucu 1: Iih palui ha tarus, palui di arab lah, palui di belanda lah, di mana-mana kah?
Kai: (LAMPU PANGGUNG NYALA DAN DI BELAKANG PEMAIN & CREW MENYETTING PANGGUNG) Nahh banyaala lampu cu’ae. Nah jadi kayani palui tuh kada hanya di banua kita adanya. Ada jua dibalahan dunia lain palui nih, ada di balanda, arab, japang wan palui binian. Kita makanan ha lah sambil kena Kai bakisah. Balum makanan kalo tadih?
Cucu 1,2: inggih balum...
(KAI, CUCU 1, DAN CUCU 2 KELUAR PANGGUNG)

(PALUI DAN PEMAIN LAINNYA MULAI BERINTERAKSI)
(Palui & Pembawa acara terlihat sedang berdiskusi diatas panggung)
Lighting :eyyy,, baapaan buhan ikam disitu?
Palui :Ni lagi badiskusi anu ai nah.
Lighting : kakaina haja hulu badiskusi tuh, ni acara hndak mulai sudah, lajui ikam bajauh lui ai.
(palui bajauh keluar panggung)
(pembawa acara membuka acara)
Pembaca  :assalamuallaikum wr. Wb
Pembaca 1 :tatamu pulang lawan kami badua dalam acara...
Pembaca :PALUI SEDUNIA...
Pembaca 2:ya, napa garang sabujurnya acara palui sedunia nih?
Pembaca 1:nah, mun masih ada nang kada tahu biar ulun jelasakan apa itu palui sedunia, palui sedunia adalah acara nang tujuannya gasan memilih siapa sosok palui nang sabujurnya.
Pembaca 2:kira kira siapa haja jar pesertanya?
Pembaca 1:pesrtanya tuh matan belahan dunia, ada matan Belanda, Arab, Jepang wan mulai Banjar itu sendiri.
Pembaca 2: bahh pacangan rami banar ni acaranya, kayapa amun kita kiyau haja pesertanya.
Pembbaca 1:ayuha, kita kiyau pesertanya..
(memanggil seluruh peserta)
(seluruh peserta masuk)
Pembaca 2:ya, peserta sudah takumpul, kayapa amun kita kenalah hulu wan bubuhan peserta nih.
Pembaca 1:yang palui matan belanda siapa namanya?
Palui Belanda:ikh punya nama Palui Van Der Wara, Unda palui asli matan belanda
Pembaca 1:mantap sakali lah ngarannya palui pandir wara jar.. tepuk tangan gasan palui matan belanda.
Pembaca 2:selanjutnya palui matan Arab siapa ngarannya?
Palui Arab:ana bisian ngaran Palui sya’wat, barang ja sawat apa kah, ana palui asli matan tanah timur tengah Arab.
Pembaca 2:ya palui syawat jar, untung kada palui syahwat, habis am lintuk, tapuki tangan gasan palui Arab...
Pembaca 1:habis tuh kita ada jua peserta dari jepang, siapa kah ngaran beliau?
Palui Jepang: perkenakan, nama saya Palui Daki Naga, saya palui asli jepang, hayiii,,
Pembaca 1:palui daki naga, mantap sakali, badaki jua sakalinya naga lah, Palui matan jepang, tepuk tangan, hayii...
Pembaca 2 :nah nang saikung nih malalain daripada nang lain, sauutingannya peserta kita nang binian, siapa jar ngaran sidin? Silahkan.
Paluiwati :assalamuallaikum, selamat malam, ngaran saya Paluiwati, saya yakin bangat saya ni pang dah palui nang sabujurannya. Makasih.
Pembaca 2 :sama sama, paluiwati jar ngaran baliau nih, sidin nih yakintu pang dah palui tuh sabujurannya babinian. Tepuk tangan gasan Paluiwati
Pembaca 1 :nah, nang terakhir ada palui asli matan Banjar. Siapa kah ngaran sidin?
Palui: assalamuallaikum, ngaran ulun Palui, biasa dikiyau Palui, ulun palui asli banua, asli banjar. Tarimakasih.
Pembaca 1 :tarimakasih, palui asli matan banjar jar sidin nih, nang urang banjar dukung sidin jar.
Pembaca 2 :semua peserta sudah perkenalan, kayapa amun kita langsung masuk haja ke sesi selanjutnya?
Pembaca 1 :iya,, sesi selanjutnya adalah visi misi antar peserta apabila terpilih jadi pemenang palui sedunia.
Pembaca 2 :baiklah, mun kaya itu kada usah mambuang waktu lagi kita, kita mulai matan palui belanda haja gin lah. Ya silahkan Palui Van Der Wara.
Palui Belanda:bila ikh tapilih sabagai palui sedunia ikh akan menanam rempah rempah indonesia di belanda, supaya di belanda ikh wan kawan kawan bisa makan gangan karuh, masak habang, soto limau kuwit, katupat kandangan dan masih banyak lagi, sekian dan terimakasih.
Palui : uuuu baiingat ikam balanda ai, ikam kada sadar kah sudah manjajah kami 350 tahun, garagara rempah rempah haja tuh, kami sudah mardika, jangan hakun dipilih panuntun ai inya nih, habis am kita.
Palui Belanda:kanapa yu sarik sarik lawan ikh? Itu visi misi ikh, yu kada berhak membantahnya. Paham?
Palui:pukuknya aku kada satuju tu pang mun kyatu. Titik.
Pembaca 2:ya, pinanya persaingan sudah mulai memanas pemirsa ai. Diharapkan para calon supaya tanang, jangan pina habut hulu.
Pembaca 1:aija sudah, kita lanjut haja gin ka peserta selanjutnya lah.. selanjtny peserta dari Arab. Silahkan.
Palui arab:assalamuallaikum,, amunnya ane manangnya ane handak bajualan bensin di sini, karna disini bensin larang dripada di arab sana, ane bisa sugih mun kytu, hahaaaa...
Palui:nah nah nah,, saikung plang pina mahual. Ey arab. Buhan ikam tuh sudah sugih, buhan ikam tuh sudah banyak bisi minyak, knapa maka hndak bajualan minyak plang disini, kandak ku salukut jua saku arab nih.
Palui arab:ane kada tarima amun ente manyalukut ane, masuk naraka ente, ente kada ane bariakan naik haji.
Palui:biar ja, aku sudah haji jua, sudah diampuni jua dosaku.
Pembaca 1:of of of of.. satuppp.. sabar pintar lah, kada usah pina bakancangan, kaina sariki tuhan, ayu sudah bawa baduduk hulu, bawa batanang..
Pembaca 2:aija sudah, makin panas haja pinanya nah, kita lanjut haja gin lah ke selanjutnya, palui jepang..
Palui jepang:hayii,, amun unda jadi pemenangnya, unda handak produk produk jepang menguasai pasar disini, kami sudah sukses dibidang otomotif, unda handak kami sukses dibeberapa bidang lain, nangkaya, makanan, minuman, baju, salawar, cawat, kutang sampai kukuit gigi asli jepang, hayii..
Palui:asliii,,, eyy japang, ikam pulang lah manambahi, tadi sudah belanda, arab, ni ikam plang. Buhan ikam tuh cukup sudah mamburung kandaraan wan mutur, sadang ai dah pintar lah, lah , laaahhhh (manciling)
Palui jepang:oooo tidak bisa, kytu pang tekad urang jepang. Harga mati.
Palui:harga mati harga mati, kalo pina ikam nang mati.
Pembaca 2 :ooo oo oo,, kasian jangan bamatian pintar ai, basasabar, kaina tangkap pulisi mun sampai bamatian. Baistighfar lui ai.
Pembaca 1 :oke,, lanjut haja gin lah ka peserta selanjutnya, Paluiwati silahkan..
Paluiwati :assalamuallaikum, selamat malam, amun ulun tapilih jadi palui nang bujur, ulun handak samua manusia nang ada dibumi nih pakai hijab, baik itu babinian ataw lalakian pukuknya harub bahijab biar kalihatan cantik semua tatutup aurat, tarimakasih.
Palui :astagfirullah, nang ini aku satu kata haja gin gasan sidin nih, SATRIS.
Paluiwati :biar aja pang, nang panting aku sudah manyampaikan satu kebaikan.
Pembaca 1 : hussss,,, palui,, dilarang berkata kata kasar.
Pembaca 2:aija sudah, sisa saikung lagi nah, palui, sudah siap kah pian ?
Palui: siap banar, wyahini kah?
Pembaca 2;aija amun sudah siap, silahkan.
Palui:bismillah, assalamuallaikum, amunnya ulun nang tapilih, ulun handak acara palui sedunia nih kada usah ada lagi gin daripada aku tasangkali, amun ada nang kaya bubuhannya nih, visi misi kaya bubuhannya nih, bisa hancur bisa ampun kita, dijajah urang tarus kita nih dapatnya. Mudah mudahan ai ulun kawa mempertahanakan apa nang memang seharusnya ampun kita. Dah itu haja gin kada usah panjang panjang gin, kalo pina tamakan pandir kaina. Hayooo,, handak protes napa buhan ikam batiga hah? Nah hinip.
Pembaca 1: mantap sakali paman palui nih, ayu lajui nang urang banua didukung paman palui asli banua....
Pembaca 2:alhamdulillah sesi visi misi sudah tuntung. Kita lajnjut haja ke sesi selanjutnya lah
Pembaca 1 :tapi sabalum itu kita iklan haja gin hulu lah, jangan kamana-mana tetap di acara
Pembaca :PALUI SEDUNIA !!
(Crew masuk untuk memberi pengarahan)

Pembaca 2 :iyaaa,,, kembali lagi bersama kami dalam acara..
Pembaca :PALUI SEDUNIA !!
Pembaca 1 :tadi para calon sudah menyampaikan visi misinya, gasan panonton nang ada di studio atau dirumah, lajui kirim smsnya gasan calon jagoan buhan pian barataan.
Pembaca 2 :kayapa amun kita mulai haja ke sesi selanjutnya, yaitu sesi unjuk kebolehan.
Pembaca 1: langsung haja gin, kita mulai matan palui belanda haja gin lah, palui belanda handak unjuk kebolehan napa jar?
Palui belanda:ikh handak berdansa nona, kawakah nona berdansa bersama ikh.
(palui belanda berdansa bersama salah satu pembaca)
Palui:beh babaya baigal tuh aku gin bisa (palui bagandut wan pembaca)
Pembaca 2;kita lanjut ke palui arab
Palui arab:(palui arab mempromosikan obat obatan kuatnya)
Palui :aku gin ada jua (palui manampaikan obat kuat)
Pembaca 1:selanjutnya palui jepang
Palui jepang:(palui jepang bela diri)
Palui:(palui bakuntau)
Pembaca 2:selanjutnya Paluiwati
Paluiwati :(paluiwati fashion show pakai topeng)
Palui :aku gin ada jua bisi topeng (palui bapantul)
Pembaca 2:selanjutnya palui banjar.
Palui:aku handak adu otak haja gin wan bubuhan nang batiga nih, kawa kada malawani aku?
Pembaca 2:aija sudah, jangan balalambat lagi, langsung haja, palui banjar, tunjukkan aksimu.
Palui: (palui memberikan pertanyaan mahalabio nang kada kawa dijawab palui belanda, palui arab, palui jepang wan Paluiwati)
Pembaca 1:dasar harat palui banjar ni lah, kdd nang sanggupnya malawani, tapuki tangan..
Pembaca 2 ;yaa,, samua calon sudah menunjukan kebolehannya, sekali lagi gasan penonton nang ada di studio atau dirumah lajui kirim sms dukungannya, satumat lagi votting akan kami tutup.
Pembaca 1 :yaa,, sebelum kita lanjut kesesi selanjutnya yaitu sesi pengumuman siapa nang jadi pemenangnya, kayapa kita iklan dahulu.
Pembaca 2 : aija, jangan kamana mana tetap di acara..
Pembaca :PALUI SEDUNIA !!
(crew masuk memberi pengarahan)
Pembaca 1 :iyaaa,,, kembali lagi dalam acara..
Pembaca : PALUI SEDUNIA !!
Pembaca 2 :nang kaya sudah kita bahas tadi sebelum iklan, kita sudah sampai di akhir acara yaitu pengumuman siapa pemenangnya dari acara PALUI SEDUNIA
Pembaca 1 :dalam hitungan ketiga votting akan kami tutup, 3, 2, 1. Yaa votting kami tutup
Pembaca 2 : baiklah, siapakah yang akan jadi pemenangnya?
Pembaca 1 :hasil votting membuktikan yang akan menjadi juaranya adalah....
(jreng jreng jreng jreng)
Pembaca :jangan kemana mana tetap di acara PALUI SEDUNIA.
(crew masuk memberi pengarahan)
Pembaca 2 :baiklah, langsung haja, siapakah nang jadi pemenangnya..
Pembaca :nang jadi pemenangnya adalah...
Pembaca :PALUI BANJAR !!!
(palui banjar himung)
(palui palsu amuk kada terima)
(palui palsu penyakit gilanya kambuh)
(lighting yang sebenarnya adalah dokter jiwa turun dan masuk kepanggung untung mengamankan para pasien yang gila)
(palui palsu dibawa keluar panggung)
Dokter:terimakasih palui lah, sudah hakun bekerjasama wan pihak rumah sakit jiwa, amun kadada ikam, bubuhan fans ikam nang jadi palui palsu tadi bisa hamuk mun kdd acara nang kayani. Buhannya tuh handak banar jadi ikam.
Palui:bah santai haja dok ai, ulun disini gasan mambantui pian haja.
(Palui dan dokter keluar)

(kembali ke kisah si kai)
Kai:nah cu paham jua kalo sudah lawan kisah tadi. Naahhh....guringan sakalinya cucuku sudah.
(Kai santai duduk sambil bapandir dan pajah pulang lampu)
(cucu 1,2 abut gara-gara lampu pajah)
Cucu 1:Kai napa maka kadap pulang?
Cucu 2:inggih napa maka kadap kai ulun tamimpi-mimpi sudah.
Kai:nahh ini ada kasalahan tiknis (batapuk tangan) nah nyala luku..haaan harat luku kai.
Cucu 1:hibat kai lih
Cucu 2:Supar banar pian kai lah
Kai:nah cu buhan pian nih paham haja kalo sudah lawan kisah tadi?
Cucu 1: paham bangat, ulun handak kaya palui supaya tarkanal
Kai:nahhh mantap to, pian cu napa nang di dapat dari kisah tadih?
Cucu 2:ulun handak jadi artis supaya pintar
Kai:bujur banar jar buhan pian badua nih artinya paham haja lawan kisah tadi, nang pasti cucu kai nang bungas langkar, bauntung, batuah, baiman’ae kita kada usah handak bahihimat lawan budaya urang lawan budaya kita saurang gin kawa haja tarkanal kaya si palui tih cuntuhnya. Lawan jua budaya urang tuh amun tantu baik. Paham kalo?  
Cucu 1:paham kai’ae. Ulun handak tarkanal ti pang sudah.
Cucu 2:sangat paham kai. Ulun siap banar sudah jadi artis kaya palui!
Kai:ayuha cu’ae, ingati jua sakulah babujur pintarlah nyaman baringking. lakasi ha guringan gin. Kna malandau isuk.
(Cucu 1,2 kakamar guringan)
(Kai menggurunum kaingatan si palui)
Kai:ya Allah kayapa jua habar si palui nih lah?
Palui:assalamuailaikum..mak? iyalah ngini tulamak? Asa lain nah?
Kai:iya banar aku tulamak, ay ikam Siapa? palui kah? Subhanallah lui, lawasnya aku kada malihat ikam lui? Pina anum ikam masih lui lah?
Palui:heeh aku kakaini pang lui ae. Bujur haja aku nih umur tuha, tapi masih kalihatan anum, maraga aku nih rancak dipandirakan urang, dikisahakan urang, bila jar urang aku nih masih bujang, ya bujang aku nih, jar urang kakanak ya jadi kakanak aku nih. Intinya masih banyak haja tu nah nang malastariakan kisah aku nih. Makanya aku abadi nang kayani
Kai :subhanallah, ya am lui ai, bauntung banar jadi kaya ikam nih masih banyak nang ingat sampai sampai kisah ikam nih abadi, mun aku ya kakaya ini pang jua sasain tuha lui ai.
Palui :kada papa mak ai, aku batarimakasih banar jua wan ikam karna ikam ni pang nang mangisahakan aku kalawan anak cucu ikam. Tarimakasih banar mak ai.

(TAMAT)

Imam (Japin Carita)

Naskah Teater Tradisi Japin Carita

IMAM

Karya : Faisal Refki

11/06/2016

Tokoh Karakter :

Imam

Diyah

Hadran

Mama

Abah

BABAK I

ABAH & MAMA MASUK

Abah   :           umanya, umur ikam barapa dah wayahini

Mama :           ay, kanapa maka pian manakuni umur ulun abahnya

Abah   :           kada papa ai, handak tahu banarai kalo ai masih kawa baulah anak

Mama :           bah jua abahnya nih, kasian jangan lagi abahnya ai, saikung haja gin cukup, umur ulun nih sudah kapala 5 abahnya ai

Abah   :           nah aku handak batakun wan ikam umanya lah

Mama :           batakun napa tadih abahnya?

Abah :            di umur ikam nang sudah kapala 5 nih, ikam adalah suah kapikiran handak jadi nini? Atau manimang cucu?

Mama :           handak banar abahnya ai, makany am anak kita tuh sadang sudah dikawinakan abahnya ai

Abah :            sama baarti kita, anak kita tuh sudah lulus kuliah, bungas, alim ha pulang, iya tu kada payu-payu jua lagi

Mama :           hadang abahnya lah, anak kita tuh payu haja sabujurannya, tapi sadarlah abahnya?

Abah   :           sadar kanapa umanya? Ada salah kah aku?

Mama :           pian sadarlah kada mambolehi anak kita tuh bapacaran, kaya apa handak payu inya

Abah :            nah ikam nih, aku kada mambolehi inya pacaran karena dalam islam kadada istilah pacaran tuh, nang ada taaruf haja langsung kawin

Mama :           bujur jar pian tuh abahnya ai, tai kaya ini nah abahnya, pinanya anak kita tuh ada baisian pacar pang sudah

Abah :            ay.. bujur-bujur ikam umanya, dimana ikam dapat habar?

Mama :           ulun rancak mandangar inya tuh bahapian dikamar pakai saying-sayang cinta-cinta, mami papi kaya itu nah abahnya ai

Abah :            ay bujuran kah? Napa maka kamimiyangan kaya itu, sadang dah dikawinakan, umanya, kiyau pang anak kita, suruh bahadap kasini

Mama :           hadang bah lah, (mangiyau anak) nak, kasini hulu satumat, abah handak bapandir

DIYAH MASUK

Diyah :            pun.. kanapa ma mangiyau ulun

Mama :           ni nah ada nang handak abah takunakan wan ikam

Diyah :            handak batakun nap apian bah?

Abah :                        nak, ikam miyang kah nak?

Diyah :            astaga, kanapa pian batakun kayaitu bah?

Abah :            kaya ini nah nak lah, ikam tahu lah dalam islam tuh kada boleh badusta wan kuitan?

Diyah :            inggih tahu ai ulun bah ai

Abah :            ikam tahu lah jua bahwa dalam islam tuh kada istilah pacaran?

Diyah :            inggih tahu bah ai

Abah :            nah jadi kaya ini nak lah, ikam jujur ja wan abah mama, ikam ada baisi pacar kah?

Diyah :            inggih ada bah ai

Abah :            astaghfirullah… maka ikam tahu nah bahwa dalam islam kada boleh pacaran, kanapa ikam pacaran?

Diyah :            tapi bah….

Abah :            sudah gin, abah lihat ikam nih cukup haja sudah umur, handaklah kawin nak?

Diyah :            lawan pacar ulun kah bah? Hakun banar bah ai

Abah :            pacar pacar !! abah handak malihat hulu kayapa garang barangnya, amun asa pantas haja abah kawinakan, amun inya wani suruh bahadap wan abah, suruh badatang.

Diyah :            Uma bah,, pian nih saini saitu, basasabar bah.

Abah :            pokoknya abah kada tahu, suruh badatang inya. Aija sudah, lakasi umanya kita guringan.

ABAH & MAMA KELUAR

Diyah :            (menelpon Imam) Assalamuallaikum, yang, pian hakun lah jadi laki ulun? Amun pian hakun, tadi abah manyuruh pian badatang, amun pian saying wan ulun pian pasti wani badatang wan kuitan ulun, amun pian kada dating ulun dikawinakan abah wan lakian lain kaina, hakun ai kalo yang, aija sudah yang ai lun handak guring hulu nah, assalamuallaikum.

DIYAH KELUAR

BABAK II

IMAM & HADRAN MASUK

Imam :            sanak, kulihat ikam nih gawian tiap hari bagana di mesjid tarus, ikam nih lain kaum kalo?

Hadran :         lain sanak ai, lain kaum, salahkah bilanya aku di mesjid tarus.

Imam :            kada pang, kulihat lah ikam nih urangnya gagah, alim ha pulang, tapi kadada baisi pacar, kayapa ikam nih sakit lalu barangnya

Hadran :         kadanya kaya itu pang sanak ai, aku dasar kada handak pacaran, dalam islam kadada istilah pacaran, adanya taaruf haja

Imam :            bah bahasa ikam kaya ustad ja lagi

Hadran :         amin ya Allah..

Imam :            oh hiih.. ada nang handak ku kisahakan wan ikam

Hadran :         kisah napa tadih?

Imam :            kaya ini nah, aku ni kam disuruh kuitan pacarku badatang, aku nih bingung nah harus kaya apa

Hadran :         ai untungnya, baarti tu lampu hijau gasan ikam, siap siap kawin ai lagi ikam sanak ai

Imam :            kadanya kaya itu pang, aku nih kada siap lagi, masih handak baramian, duit ja aku kadada, handak kumakani napa kaina anak biniku

Hadran :         baramian ha diarak, umur tuha sudah, amun masalah razaki tu ikam kada usah takutan, ada haja tuhan, dangari lah, jar Allah “dan nikahkanlah orang-orang yang masih membujang diantara kamu, dan juga orang-orang yang layak (menikah) dari hamba-hamba sahayamu yang laki-laki dan perempuan. Jika mereka miskin, Allah akan memberikan kemampuan kepada mereka dengan karunia-Nya. Dan Allah maha luas (pemberian-Nya) lagi maha mengetahui” (QS. An-Nur [24] : 32). Jadi ikam jangan takutan kawin sanak ai, ada haja razakinya.

Imam :            iyalah sanak, mun kaya itu doakan haja aku lah, isuk aku handak badatang wadah Diyah, mudahan lancer haja.

Hadran :         amin…

Imam :            aija sudah, sadang kita bulikan

IMAM & HADRAN KELUAR

BABAK III

MAMA, ABAH & DIYAH MASUK

Abah :            diyah, sudah ikam padahi lah wan pacar ikam apa jar abah samalam?

Diyah :            inggih sudah bah ai, hari ini inya handak badatang jar

Abah :            bagus am mun kaya itu, abah handak malihat urangnya hulu

IMAM MASUK

Imam :            (masuk tanpa salam) paman, acil (salim)

Mama :           duduk hula nak lah, acil handak maulahakan banyu

Imam :            kada usah cil ai

Abah :            hiih kada usah diulahakan banyu, ey,, ikam muslim kah kada?

Imam :            muslim paman ai

Abah :            ikam muslim kanapa masuk tadi kada baucap salam. Diyah, ini kah jar ikam pacar ikam tuh?

Diyah :            inggih bah ai

Abah :            hakunnya ikam wan inya nih. (mamandiri Imam) eyy,, siapa ngaran ikam maka wani mamacari anak ku?

Imam :            ngaran ulun Imam paman ai

Abah :            imam, ngaran ikam Imam kanapa maka babunil-bunil tuh, ikam nih lakian kah binian?

Imam :            ulun lakian paman ai

Abah :            manjawab tarus nginih, ngaran ikam Imam kalo? Ikam bias jadi Imam lah?

Imam :            maaf ulun kada bias

Abah :            astaga, bias mangaji lah?

Imam :            kada tapi bias paman ai

Abah :            sumbahnyang pang bias lah?

Imam :            bias ai paman ai sadikit sadikit

Abah :            gawian ikam napa nih maka wani badatang wan anakku?

Imam :            ulun kada baisian gawian lagi paman ai

Abah :            ikam nih kada baisi gawian, apa-apa kada bias, handak jadi minantu ku lah kaya itu, kada bataha ku hakun. (mamandiri Diyah) ey diyah, abah kada satuju mun ikam kawin wan inya nih, handak jadi napa kaina ikam mun hidup wan inya. Suruh inya bulik !!

Imam :            inggih, ulun bulik hulu paman lah, cil lah, Diyah lah.

(Imam handak bulik didatangi Diyah wan Mamanya)

Diyah :            yang, maaf yang lah, abah tu dasar karas urangnya, pian hakun ai kalo barubag gasan ulum yang, bila pian sudah jadi baik lajui badatang pulang yang lah

Mama :           nak, sabar nak lah, ayuha nak ai mudahan juduh haja buhan ikam nah ai.

Imam :            inggih ayuja, mun kaya itu ulun bulik hulu cil lah, assalamuallaikum

Mama & Diyah : waallaikumsalam

IMAM KELUAR

Diyah :            bah.. pian nih talalu banar baucap kaya itu, talalu !!

DIYAH KELUAR

Abah :            biarja situ, aku kada paduli, bilanya aku kada katuju ya kada tu pang dah.

Mama :           aija sudah, sdang dah abahnya ai istirahat

MAMA & ABAH KELUAR

BABAK IV

IMAM MASUK

Imam :            (pusang) (manalipun Hadran) Hadran, ikam dimana? Aur kah? Kawa lah mandatangi aku di tempat biasa, aku handak bakisah, eh lajui lah kaina aku sawat bunuh diri

HADRAN MASUK

Hadran :         Assalamuallaikum, kanapa sanak pina pusah nih sampai handak bunuh diri, bakisah pang jar

Imam :            ikam tahu lah, tadi aku hanyar imbah matan rumah Diyah badatang

Hadran :         wess,, imbah tu pang kayapa kisahnya, ditarima ai kalo leh

Imam :            muha ikam, mun aku ditarima kada bataha aku pusang kaya ini, ikam tahukah aku di usir ulih abahnya Diyah, jar sidin, sidn kada hakun baisi minantu nang kaya nang kada bias apa-apa nih

Hadran :         hadang, aku handak batakun wan ikam, manurut ikam Diyah tuh binian baik kah kada?

Imam :            jelas ai baik

Hadran :         mbah tu pang menurut ikam, ikam nih sudah baik lah, sudah pantas lah lawan Diyah nang baik tuh ?

Imam :            kada pang pinanya

Hadran :         nah dangari lah sanak lah, jar tuhan binian nang baik tuh gasan lakian nang baik jua, wan lakian nang baik gasan binian nang baik jua, mun ikam handak dapat juduh nang baik perbaiki hulu diri ikam tuh

Imam :            kayapa caranya sanak?

Hadran :         ya ubah ai penampilan ikam nang babunil-bunil nih, hidup sesuai ajaran islam

Imam :            tapi aku kada bias mangaji sagalaan

Hadran :         mun ikam handak balajar, aku hakun haja malajari

Imam :            ayuha mun kaya itu gasan mandapatakan Diyah aku hakun haja barubah

Hadran :         Alhamdulillah,, lakasi iringi aku

Imam :            kamana?

Hadran :         ayuha iringi ja hulu..

HADRAN & IMAM KELUAR

BABAK V

DIYAH MASUK

Diyah :            (menelpon Imam) Assalamuallaikum, Imam, pian dimana? Kita kawa batamu kah hari ini, ada nang handak ulun sampaikan, datangi ulun di tempat biasa lah, ulun hadangi, Assalamuallaikum

IMAM MASUK

Imam :            Assalamuallaikum

Diyah :            waallaikumsalam, Imam kah nih? Subhanallah

Imam :            inggih ni aku yang ai, kayapa menurut ikam?

Diyah :            Alhamdulillah pian sudah barubah..

Imam :            iy am nah, gasan ikam pang nah, mudahan ai abah ikam hakun manarima aku

Diyah :            (tersenyum) kanapa pian kada matan dahulu haja barubah kaya ini gasan ulun, jaka matan dahulu sudah am kita kawin

Imam :            hehee,, tanang ja yang ai, aku pasti nikahi ikam, aku pasti badatang wan kuitan ikam yang ai

Diyah :            kada usah, pian sudah talambat ka ai

Imam :            maksud ikam talambat apanya?

Diyah :            (mengeluarkan undangan) minggu kaina ulun handak nikah ka ai, mudahan pian kawa datang. Maaf, abah mangawinakan ulun wan pilihan sidin, ulun kada kawa apa-apa, mahadang pian lambat banar, kamana haja pian, ulun uyuh mahadangi (nangis)

Imam :            tapi.. aku nih barubah gara-gara ikam, aku handak bujur-bujur wan ikam, teganya ikam wan aku

Diyah :            sudah gin ka ai, mudahan pian kawa manarima haja, mudahan pian dapat juduh nang jauh lebih baik daripada ulun, Assalamuallaikum

Imam :            Waallaikumsalam

DIYAH KELUAR

Imam :            (taduduk) ya Allah, salah napa pulang ulun, kanapa pian kada adil wan ulun, jar pian lakian nang baik gasan binian nang baik jua, tapi kanapa jadi kaya ini, ni kada adil tuhan ai..

HADRAN MASUK

Hadran :         astaghfirullah, istrigfar sanak, kanapa ikam maka kaya ini sanak

Imam :            tuhan kada adil, aku nih sudah bujuran barubah gasan Diyah, tapi Diyahnya handak kawin minggu ini, asa sia-sia aku kaya ini

Hadran :         cuba dangari aku, bahinu niat kita handak barubah tuh nang salah, amun niat ikam baniat tuh karna Allah taala, tuhan pasti memberikan ikam nang lebih baik sanak ai, sudah gin tarima haja, mungkin lain juduh ikam, binian masih banyak sanak ai,, selalu barprasangka nang baik lawan Allah.

SELESAI